অষ্ট্ৰেলিয়াৰ প্ৰধানমন্ত্ৰী স্কট মৰিছনে পৰাজয় স্বীকাৰ কৰিছে। শনিবাৰে দশেখনৰ সাধাৰণ নিৰ্বাচনত শাসক আৰু বিৰোধী শিবিৰৰ মাজত তীব্ৰ প্ৰতিদ্বন্দ্বিতাৰ অন্তত অৱশেষত বিৰোধী লেবাৰ পাৰ্টি বিজয়ী হয়। লেবাৰ পাৰ্টিৰ নেতা এন্টনী এলবানিছ অষ্ট্ৰেলিয়াৰ প্ৰধানমন্ত্ৰী হিচাপে শাসনভাৰ ল’বলৈ সাজু হৈছে।
নিজৰ পৰাজয়ৰ পিছত স্কট মৰিছনে নতুন প্ৰধানমন্ত্ৰীক অভিনন্দন জনায়। “মই নিশা বিৰোধী দলপতিৰ সৈতে কথা পাতিছো। তেওঁ প্ৰধানমন্ত্ৰীৰ দায়িত্ব ল’বলৈ আগবাঢ়িছে। মই তেওঁক শুভেচ্ছা জনাইছো।‘’
ইপিনে, স্কট মৰিছনে প্ৰধানমন্ত্ৰীৰ পদ হেৰুওৱাৰ লগতে দলৰ নেতৃত্বৰ পৰাও আঁতৰি গৈছে।
লগতে পঢ়ক: ৰাছিয়াত প্ৰৱেশ নিষিদ্ধ ৰাষ্ট্ৰপতি বিডেনকে ধৰি ৯৬৩ গৰাকী আমেৰিকা যুক্তৰাষ্ট্ৰৰ নাগৰিকৰ
উল্লেখ্য যে বিগত ৯বছৰ ধৰি বাওঁপন্থী ভাৱাপন্ন লেবাৰ পাৰ্টি অষ্ট্ৰেলিয়াৰ মুখ্য বিৰোধী দলহৈ আছে। নিৰ্বাচন ঘোষণা হোৱাৰ পিছৰে পৰা ৰাজনৈতিক দলটোৱে যোৱা ছয় সপ্তাহ ধৰি ব্যাপক প্ৰচাৰ চলাইছিল।
নিৰ্বাচনৰ ফলাফল প্ৰকাশৰ আৰম্ভণিতেই দেখা গৈছিল যে শাসকীয় দলৰ সৈতে লাহে লাহে তেওঁলোকৰ ব্যৱধান কমি আহিছিল । গণনাৰ অন্তিম পৰ্যায়ত বিৰোধী দলটোৱে শেষ হাঁহি মাৰিবলৈ সক্ষম হ’ল।
ইপিনে, বিশেষজ্ঞসকলৰ এটা অংশই নিৰ্বাচনৰ আৰম্ভণিৰ পৰাই অষ্ট্ৰেলিয়াত এক ত্ৰিশংকু সংসদৰ আশংকা কৰিছিল। তেওঁলোকে লেবাৰ পাৰ্টিয়ে শেষ মুহূৰ্তত শাসক দলক পৰাজিত কৰিব নোৱাৰিব বুলি ধাৰণা কৰিছিল।কিন্তু সেয়া হ’বলৈ হ’লে নিৰ্দলীয় প্ৰাৰ্থীসকলে যথেষ্ট ভাল ফলাফল দেখুৱাব লাগিছিল। কিন্তু বাস্তৱত তেনে নঘটিল।
শনিবাৰে পুৱা ৮ বজাৰ পৰা সন্ধিয়া ৬ বজালৈ ভোটগ্ৰহণ অনুষ্ঠিত হ’ব। তাৰ পিছত স্থানীয় সময় অনুসৰি গণনা আৰম্ভ হয়। অষ্ট্ৰেলিয়াৰ নিৰ্বাচন আয়োগৰ মতে, মুঠ ৩০ লাখ পোষ্টেল বেলট জমা পৰিছিল।
লগতে পঢ়ক:যুদ্ধৰ আঁৰৰ খৱৰ: ফিনলেণ্ডলৈ গেছৰ সৰবৰাহ বন্ধ কৰিলে ৰাছিয়াই
নিৰ্বাচনী ফলাফলত লেবাৰ পাৰ্টিৰ এন্টনী এলবানিছৰ নেতৃত্বত লেবাৰ পাৰ্টিয়ে ক্ষমতা দখল কৰে। ইয়াৰ পূৰ্বে, এন্টনীয়ে স্কট মৰিছনক “বিভাজনকামী” বুলি অভিহিত কৰি সাধাৰণ ৰাইজক তেওঁক ভোট নিদিবলৈ আহ্বান জনাইছিল।