সেনা বুলি ক’লেই বহুতৰে কাণত হয়তো বাজি উঠে গুৰুপ গুৰুপ বুট জোতাৰ শব্দ।
সেনা পুৰুষেই হওঁক বা মহিলা, সকলোৱে সামৰিক কুছ-কাৱাজৰ সময়ত বুট জোতা পিন্ধাটো একপ্ৰকাৰৰ নিয়ম।
কিন্তু এউ নিয়ম ভংগ কৰি এতি সমালোচনাৰ সন্মুখীন হৈছে ইউক্ৰেইনৰ একাংশ মহিলা সৈনিক।
প্ৰায় ৩০ বছৰ পূৰ্বে ৰাছিয়াৰ পৰা ফালৰি কাটি গঠন হোৱা ইউক্ৰেইনে কিছুদিন পিছতে উদযাপন কৰিব স্বাধীনতা দিৱস।
স্বাধীনতা দিৱসত ভাগ লোৱাৰ বাবেই এতিয়া দেশ খনত সেনাৰ মাজত চলিছে ব্যাপক সামৰিক অনুশীলন। এনে অনুশীলনত ভাগ ল’বলৈ গৈ ইউক্ৰেইনৰ একাংশ মহিলা সেনাই বিট জোতাৰ সলনি হিল পিন্ধাহে দেখা গ’ল।
হিল পিন্ধি মহিলা সৈনিকে সামৰিক অনুশীলন চলোৱাৰ বিষয়টোক বহুতে এতিয়া লিংগ বৈষম্যৰ দৃষ্টিৰে চাবলৈ ধৰিছে।
ছ’চিয়েল মিডিয়াতো এইবুলি লমালোচনা হৈছে যে সৈনিকসকল মহিলা হোৱাৰ বাবেই তেওঁলোকক পুৰুষৰ পৰা পৃথক হিচাবে বুজাবলৈ সামৰিক অনুশীলনৰ সময়ত হিল পিন্ধিবলৈ দিয়া হৈছে।
জনপ্ৰিয় ধাৰাভাষ্যকাৰ ভিটালি পোটিনোকভে এয়া ইউক্ৰেইনৰ সেনা বাহিনীৰ শীৰ্ষ বিষয়াৰ মধ্যযুগীয় চিন্তাৰ প্ৰকাশ বুলি মন্তব্য কৰিছে।
মহিলা সৈনিকে হিল পিন্ধি সামৰিক অনুশীলন চলোৱাৰ বিষয়টোকলৈ সৃষ্টি হোৱা এনে বিতৰ্কৰ বাবে এতিয়া শলঠেকত পৰিছে ইউক্ৰেইনৰ চৰকাৰো।
এয়া দৰাচলতে লিংগ বৈষম্যৰ বহিঃপ্ৰকাশ নে কোনো বিষয়াৰ ভুল সিদ্ধান্তৰ বাবে হোৱা ঘটনা সেই বিষয়ত ইউক্ৰেইনৰ চৰকাৰে এতিয়ালৈকে কোনো স্পষ্টীকৰণ দিয়া নাই।
