দেশৰ শীৰ্ষ ৰাজনীতিবিদ, মনোৰঞ্জন জগতৰ তাৰকা, বিখ্যাত তাৰকা ক্ৰীড়াবিদ, আনকি বিশিষ্ট আন্তঃৰাষ্ট্ৰীয় ব্যক্তিত্ব যাৰ ওচৰত তেওঁলোকে আনুগত্য প্ৰকাশ কৰে, দেশৰ আটাইতকৈ ধনী পৰিয়াল হিচাপে যাৰ নাম এক নম্বৰত আছে সেই পৰিয়ালৰ বিৰুদ্ধে কোনো সাধাৰণ মানুহে মুখ খুলিব পাৰে সেয়া হয়তো কোনেও কল্পনাও কৰিব নোৱাৰে। কিন্তু কোনোবাই যেতিয়া মুখ খুলিলে, তেতিয়া তেওঁ বহুতেই তেওঁক প্ৰশংসাৰে উপচাই পেলালে।
শেহতীয়াকৈ এই ঘটনা সংঘটিত হৈছে দেশৰ তথ্য প্ৰযুক্তি চহৰ বাংগালুৰুত। তাতে ৰিলায়েন্স ফাউণ্ডেশ্যনৰ অধ্যক্ষ তথা দেশৰ আটাইতকৈ ধনী ব্যক্তি মুকেশ আম্বানীৰ পত্নী নীতা আম্বানীৰ দেহৰক্ষীৰ সৈতে কাজিয়াত লিপ্ত হয় এগৰাকী বাটৰুৱা মহিলা।
মুম্বাইৰ বাসিন্দা নীতাই অলপতে বেংগালুৰু ভ্ৰমণ কৰিছিল। তাতে গাড়ীখন ৰখাই শাৰী কিনিবলৈ বুটিক এখনলৈ গ’ল। পথৰ কাষত ৰখাই থোৱা আছিল ১০ কোটি টকাৰ বিশাল মাৰ্চিডিজ বেঞ্জ এছ৬০০ৰ গাৰ্ড।
ফলত পথৰ এটা ফাল সম্পূৰ্ণৰূপে অৱৰোধ হৈ পৰে। আন যান-বাহন দূৰৰ কথা, পথচাৰীৰো অসুবিধা হয়। সেই সময়ত এগৰাকী মহিলাই প্ৰতিবাদ কৰে। তেওঁ নীতা আম্বানীৰ দেহৰক্ষীক এজাউৰি দিবলৈ ধৰিলে। সেই মুহূৰ্তত নীতাই আকৌ বুটিকৰ পৰা ওলাই গাড়ীত উঠিবলৈ সাজু হৈছিল। অৱশ্যে কোনো এজন দেহৰক্ষীয়ে মহিলাগৰাকীৰ লগত কাজিয়া কৰা নাছিল বা অভদ্ৰ আচৰণ কৰা নাছিল।
মহিলাগৰাকীয়ে দেহৰক্ষীক দিয়া সতৰ্কবাণীৰ ভিডিঅ’টো দূৰৰ পৰা লোৱাৰ বাবে তেওঁ ঠিক কি কথা কৈছিল সেয়া ধৰিব পৰা নাযায়। অৱশ্যে তেওঁৰ শৰীৰৰ ভাষা অলপ আক্ৰমণাত্মক আছিল। আৰু এনে প্ৰভাৱশালী পৰিয়ালৰ দেহৰক্ষীৰ ওপৰত দেখুওৱা সাহসৰ ঘটনাত মহিলাগৰাকীক নেটিজেনে প্ৰশংসা কৰিছে। তেওঁৰ স্পষ্ট কথাৰ বাবে বহুতে তেওঁক বাহ বাহ দিছে।
ছ’চিয়েল মিডিয়া ব্যৱহাৰকাৰীসকলে মহিলাগৰাকীক ‘হিৰো’ বুলি অভিনন্দন জনাইছে। এজন ব্যৱহাৰকাৰীয়ে মন্তব্য কৰিছে, আম্বানী হওক, তেওঁৰ পত্নী হওক বা পিতৃয়ে হওক, ৰাস্তা বন্ধ কৰিলে এনেদৰেই এজাউৰি খাব লাগিব।
আন এজন ব্যক্তিয়ে অৱশ্যে মন্তব্য কৰে যে দেশৰ একাংশ নাগৰিকক জেড প্লাছৰ নিৰাপত্তা দিয়া হয় আৰু জনসাধাৰণে ইয়াৰ গুৰুত্ব বুজিব লাগে। সেই বুলি জনসাধাৰণক অশান্তি দিয়াটোও অযুক্তিকৰ।
আন এজনৰ ধেমেলীয়া মন্তব্য, হাতত মেচিনগান থকাৰ পিছতো সেই ব্যক্তিজনে সৌজন্যতা দেখুৱালে! সশস্ত্ৰ দেহৰক্ষীৰ সৈতে ফেপেৰি পতা যুঁজৰ বাবে মহিলাগৰাকীৰ বীৰত্বক বহুতে চেলুট জনাইছে।
