পৃথিৱীৰ প্ৰাচীন শ্ৰেষ্ঠ দাৰ্শনিকসকলৰ নামৰ কথা আহিলে বহু নাম মনলৈ আহে। কিন্তু এজন ব্যক্তিৰ যদি শ্ৰেষ্ঠ দাৰ্শনিক, ৰাজনীতিবিদ, অৰ্থনীতিবিদৰ বৈশিষ্ট্য থাকে তেন্তে তেওঁ হ’ল এজনেই। তেওঁ হৈছে অৰ্থশাস্ত্ৰৰ ৰচক চাণক্য। তেওঁ অৰ্থশাস্ত্ৰৰ লেখাৰ জৰিয়তে ভাৰতীয় উপমহাদেশৰ ৰাজনীতি আৰু অৰ্থনীতিৰ পৰিৱৰ্তন ঘটাইছিল।
চাণক্য নীতিয়ে আমাক বিভিন্ন কথাৰ বিষয়ে অৱগত কৰে। ইয়াত আমি চাণক্যই নাৰীৰ বিষয়ে কি কৈছিল জানিম। চাণক্যৰ নীতিয়ে আজিও বিশ্বৰ কোটি কোটি মানুহক পথ প্ৰদৰ্শন কৰে। আচাৰ্য চাণক্যই নীতিকথাত বহু এনে কথা কৈছে যিবোৰ এজন ব্যক্তিয়ে জীৱন সফল কৰি তুলিবলৈ নিজৰ জীৱনত গ্ৰহণ কৰিব পাৰে।
আচাৰ্য চাণক্যই কৈছে যে যদি কোনো ব্যক্তিয়ে এই ৩ জনৰ পৰা দূৰত্ব বজাই ৰাখে তেন্তে তেওঁ সুখৰ লগতে সফলতাও লাভ কৰে। এই ৩ জনৰ সংগ এজন ব্যক্তিৰ উন্নতিত বাধা হৈ পৰে, গতিকে তৎক্ষণাত তেওঁলোকৰ পৰা আঁতৰি যোৱাটো প্ৰয়োজনীয়। আহকচোন জানি লওঁ কি কৈছে চাণক্যই –
আচাৰ্য চাণক্যৰ মতে মূৰ্খ শিষ্যক জ্ঞান দি কোনো লাভ নাই। এনে শিষ্যই কাৰো কথা নুশুনে। এনে মানুহক যিকোনো ধৰণৰ জ্ঞান দিয়াটো নিজৰ সময় নষ্ট কৰাৰ দৰেই। এনে লোকৰ পৰা দূৰত্ব বজাই ৰখা ভাল কাৰণ তেওঁলোকে সময় নষ্ট কৰাই নহয় আপোনাৰ সফলতাতো বাধা হৈ পৰে।
আচাৰ্য চাণক্যই এনে নাৰীক ভুল বুলি গণ্য কৰিছে, যিসকলে কেৱল নিজৰ মতে চলে আৰু আন কাৰোৰে একো কথা নুশুনে। চাণক্যই কৈছে যে দুষ্ট স্বভাৱৰ পত্নীৰ লগত জীয়াই থকাৰ অৰ্থ নৰকত জীয়াই থকাৰ দৰেই। ঘৰখনত এনে মহিলাৰ উপস্থিতিয়ে ভৱিষ্যত প্ৰজন্মৰ ওপৰত বেয়া প্ৰভাৱ পেলায়। এনে মহিলাই নিজৰ লগতে তেওঁলোকৰ লগত জড়িতসকলৰো ক্ষতি কৰে।
চাণক্যই কয় যে মানুহৰ দুখ-কষ্টৰ প্ৰতি সদয় হোৱাটো ভাল কথা। কিন্তু নিজৰ দুখ-কষ্টৰ পৰা ওলাই আহিবলৈ চেষ্টা নকৰা মানুহক পতিয়ন নিয়াই কোনো লাভ নাই, কাৰণ যেতিয়ালৈকে তেওঁলোকে নিজেই ওলাই আহিব নিবিচাৰে আপোনাৰ কঠোৰ পৰিশ্ৰমও অপচয় হয়। লগতে এনে মানুহৰ লগত থাকি মানুহজনে নিজেই নেতিবাচক চিন্তা কৰিবলৈ আৰম্ভ কৰে আৰু বেয়া কথাই তেওঁৰ মনত আধিপত্য বিস্তাৰ কৰিবলৈ আৰম্ভ কৰে।
গতিকে এনে তিনিধৰণৰ মানুহৰ পৰা চাণক্যই আমাক আঁতৰি থকাৰ পৰামৰ্শ প্ৰদান কৰিছে।
