ভেকচিন ল’লে মাস্কৰ পিন্ধাৰ প্ৰয়োজন নাই! কি ক’লে আমেৰিকাৰ ৰাষ্ট্ৰপতি জো বিডেনে?

সমগ্ৰ বিশ্বতে টীকাকৰণ প্ৰক্ৰিয়া আৰম্ভ হৈ গৈছে। বিশেষজ্ঞসকলে জানিবলৈ দিছে যে ভেকচিন লোৱা সম্পূৰ্ণ হোৱাৰ পাছত সুৰক্ষিত হ’ব যদিও কোভিড বিধি মানি চলা উচিত।

কিন্তু ইয়াৰ মাজতে আমেৰিকাৰ ৰাষ্ট্ৰপতি জো বিডেনে কয় যে কোনোৱে যদি ভেকচিনৰ দুটা ড’জ সম্পূৰ্ণ কৰে তেনেহ’লে তেওঁ আৰু মাস্ক পিন্ধাৰ প্ৰয়োজন নাই। অৱশ্যে, তেওঁ লগতে কয় যে ভেকচিনৰ ড’জ সম্পূৰ্ণ নকৰা পৰ্যন্ত কোনো সুৰক্ষিত নহয়।

ৰাষ্ট্ৰপতিগৰাকীয়ে হোৱাইট হাউছত জানিবলৈ দিয়ে যে চেন্টাৰ ফৰ ডিজিছ কন্ট্ৰ’ল প্ৰিভেনশ্যনৰ (CDC)ৰ ফালৰ পৰা কোৱা হৈছে যে ভেকচিন সম্পূৰ্ণ কৰা লোকে মাস্ক পৰিধান কৰাৰ প্ৰয়োজন নাই। তেওঁলোকে ঘৰত বা বাহিৰত ক’তো মাস্ক নিপিন্ধাৰ কথা কৈছে।

বিডেনে কয় যে এয়া এক বৃহৎ মাইলষ্ট’ন, ডাঙৰ দিন। আমি সকলো আমেৰিকান নাগৰিকক দ্ৰুতভাৱে ভেকচিন দিব পাৰিছো তাৰেই প্ৰতিফলন এইটো।

Today is a great day for America in our long battle with COVID-19.

Just a few hours ago, the CDC announced they are no longer recommending that fully vaccinated people need to wear masks.

— Joe Biden (@JoeBiden) May 13, 2021

ৰাষ্ট্ৰপতি বিডেনে দেশখনৰ ভেকচিন কাৰ্যসূচী আগবঢ়াই নিয়া সকলোৰে কঠোৰ পৰিশ্ৰমৰ শলাগ লৈছে। আমেৰিকানসকলক টীকাকৰণৰ ক্ষেত্ৰত বৰঙণি আগবঢ়োৱা বিজ্ঞানী, গৱেষক, মেডিচিন কোম্পানী, ৰাষ্ট্ৰীয় সুৰক্ষা বাহিনী, চিকিৎসক, নাৰ্ছ, স্বাস্থ্যকৰ্মীকে ধৰি সকলোকে ধন্যবাদ জ্ঞাপন কৰে।

তেওঁ লগতে সোঁৱৰাই দিয়ে যে যিসকলে ভেকচিন সম্পূৰ্ণ কৰা নাই তেওঁলোকে এতিয়াও মাস্ক পিন্ধাটো প্ৰয়োজন।

উল্লেখ্য যে বুধবাৰে CDCৰ ফালৰ পৰা ঘোষণা কৰা হৈছিল যে যিসকলে কৰ’নাৰ ভেকচিন সম্পূৰ্ণ কৰিছে তেওঁলোকে ঘৰৰ ভিতৰত বা বাহিৰত মাস্ক পৰিধান কৰাৰ প্ৰয়োজন নাই।