বিশ্বৰ সৰ্বশক্তিমান ৰাষ্ট্ৰপতিগৰাকীও বিব্ৰত হৈ পৰিল পোকৰ আক্ৰমণত।
শেহতীয়াকৈ মাৰ্কিন ৰাষ্ট্ৰপকি বিদেন ইউৰোপৰ আঠ খন দেশ ভ্ৰমণৰ বাবে ওলাইছে।
সেই উপলক্ষ্যে হোৱাইট হাউছৰ আমন্ত্ৰণ মৰ্মে দেশ-বিদেশৰ বহু কেইগৰাকী সাংবাদিকেও বিদেনৰ সৈতে বিদেশ যাত্ৰাত ওলাইছে।
কিন্তু সাংবাদিকৰ বিমানৰ ইঞ্জিন বহু চেষ্টা কৰিও সক্ৰিয় কৰিব নোৱাৰাত পাইলটে পৰীক্ষা কৰি দেখিলে যে ইঞ্জিনত উঁই চিৰিঙা পোকে তাণ্ডৱৰ সৃষ্টি কৰিছে।
President Biden was hit in the neck with a cicada while chatting with a uniformed military officer before boarding Air Force One for a week-long tour of western Europe https://t.co/eWdBtK8jN2 pic.twitter.com/6wFGMxsLgN
— POLITICO (@politico) June 9, 2021
ঘটনাৰ বিষয়ে বিদেনো অৱগত হ’ল। হঠাতে জাক জাক উঁই চিৰিঙা আহি বিমানকোঠ ভৰি পৰিল। উঁই চিৰিঙাৰ আক্ৰমণৰ পৰা আনকি সাৰি নগ’ল মাৰ্কিন ৰাষ্ট্ৰপতি বিদেনো।
বিদেনৰ কান্ধতে উঁই চিৰিঙাই কামোৰ বহুৱালে। বিদেনে হাতেৰে কান্ধৰ পৰা উঁই চিৰিঙা আঁতৰাবলগীয়াও হ’ল।
উঁই চিৰিঙাৰ তাণ্ডৰ বাবেই বিদেনৰ সৈতে যাবলগীয়া সাংবাদিকৰ বিমানে ৭ ঘণ্টা পলমকৈহে উৰা মাৰিবলৈ সক্ষম হ’ল।
যিকি নহওঁক, বিদেনৰ প্ৰথম ইউৰোপ ভ্ৰমণতেই এনেদৰে পোকে বাধাৰ সৃষ্টি কৰাৰ বিষয়টোৱে বেছ চৰ্চা লাভ কৰা পৰিলক্ষিত হৈছে।
ইংলেণ্ডকে ধৰি ইউৰোপৰ আঠ খন দেশৰ সৈতে বিদেনে সম্পৰ্ক উন্নত কৰাৰ বাবেই এই ভ্ৰমণৰ কাৰ্যসূচী গ্ৰহণ কৰিছে।