প্ৰথম পৰ্যায়ৰ ভোটদানৰ মাজতে বিহাৰৰ ৰাজনীতিত বিয়পি পৰিছে উত্তেজনা। লক্ষীচৰাই জিলাত অনুষ্ঠিত ভোটগ্ৰহণৰ সময়ত উপ-মুখ্যমন্ত্ৰী বিজয় সিনহাক আক্ৰমণ কৰা হয়।
সূত্ৰ অনুসৰি উপ-মুখ্যমন্ত্ৰীৰ কনভয়ত অচিনাক্ত দুষ্কৃতিকাৰীয়ে আক্ৰমণ কৰে। সেই স্থানতে কনভয়ৰ ওপৰত গোবৰ, শিল আৰু জোতা নিক্ষেপ কৰা হয়, যাৰ ফলত এক ভয়ংকৰ পৰিস্থিতিৰ সৃষ্টি হয়।
স্থানীয় সূত্ৰৰ পৰা জানিব পৰা মতে, উপ-মুখ্যমন্ত্ৰী বিজয় সিনহা ভোটদানৰ বাবে স্থানীয় ভোটকেন্দ্ৰ এটালৈ গৈ আছিল। কনভয়ৰ মাজেৰে পাৰ হৈ যাওঁতে হঠাতে দুস্কৃতিকাৰীয়ে আক্ৰমণ কৰে। কনভয়টোক ঘেৰি ধৰি বিভিন্ন বস্তু নিক্ষেপ কৰিবলৈ আৰম্ভ কৰে।
এই আক্ৰমণৰ ফলত কনভয় আৰু নিৰাপত্তাৰক্ষীয়ে সাৱধানে পৰিস্থিতি নিয়ন্ত্ৰণ কৰি উপ-মুখ্যমন্ত্ৰীগৰাকীক নিৰাপদ স্থানলৈ স্থানান্তৰিত কৰে। এতিয়ালৈকে কোনো লোকৰ প্ৰাণ হেৰুৱা বা গুৰুতৰভাৱে আহত হোৱাৰ খবৰ পোৱা নাই।
এই ঘটনাৰ পিছত ৰাজনৈতিক মহল আৰু সাধাৰণ ৰাইজৰ মাজত উত্তেজনা দেখা গৈছে। স্থানীয় ৰাইজ আৰু ভোটাৰসকলে এই আক্ৰমণক লৈ উদ্বেগ প্ৰকাশ কৰিছে। নিৰ্বাচনী ক্ষেত্ৰখনত এক নিকা আৰু শান্তিপূৰ্ণ ভোটদানৰ পৰিৱেশ বজাই ৰখাটো এটা ডাঙৰ প্ৰত্যাহ্বান হৈ পৰিছে।
বিভিন্ন ৰাজনৈতিক বিশ্লেষকৰ মতে এনেধৰণৰ আক্ৰমণে ভোটৰ নিৰাপত্তাক লৈ প্ৰশ্ন উত্থাপন কৰে আৰু ভোটাৰৰ মনোবলত প্ৰভাৱ পেলাব পাৰে।
