অসমীয়া মানুহ চাহৰ প্ৰতি আসক্ত। কিন্তু নিচা কেৱল চাহতে সীমাবদ্ধ নহয়, বিস্কুট, কেক, চিপছৰ সৈতে চাহৰ আমেজ লৈ ভাল পায় সকলোৱে।
কিন্তু শেহতীয়াকৈ গৱেষণাত এক চাঞ্চল্যকৰ তথ্য প্ৰকাশ পাইছে। চাহৰ লগত বিস্কুট, জলপান আদি খালে হাৰ্ট এটেক বা ষ্ট্ৰোক হোৱাৰ সম্ভাৱনা বৃদ্ধি পায়। ব্ৰিটেইনত এই বিষয়ৰ ওপৰত কৰা এক অধ্যয়নত কোৱা হৈছে। এই অধ্যয়নৰ পিছত ব্ৰিটিছ চৰকাৰে খাদ্য তালিকাৰ পৰা বিস্কুট, কেকৰ দৰে জলপান আঁতৰোৱাৰ পৰিকল্পনা কৰিছে।
লণ্ডনৰ গৱেষকসকলে ৮৫০ জনতকৈ অধিক লোকৰ খাদ্যাভ্যাস অধ্যয়ন কৰি এই সিদ্ধান্তত উপনীত হয়। এই অধ্যয়নত দেখা গৈছে যে প্ৰতি চাৰিজন লোকৰ ভিতৰত এজনৰ হাৰ্ট এটেক আৰু ষ্ট্ৰোক হোৱাৰ সম্ভাৱনা বৃদ্ধি পায়। কিয় এনেকুৱা হৈছে?
অধ্যয়নটোত দেখা গৈছে যে যিসকলে অধিক জাংক ফুড খাইছিল তেওঁলোকে ব্ৰেকফাষ্ট, লাঞ্চ আৰু ডিনাৰত স্বাস্থ্যসন্মত খাদ্য খালেও কোনো লাভ নহ’ল। এই লোকসকলৰ মাজত ষ্ট্ৰোক, হৃদৰোগ আনকি মেদবহুলতাৰ সম্ভাৱনাও বাঢ়িছে।
কেৱল সেয়াই নহয়, এইসকল লোকৰ তেজত চেনিৰ মাত্ৰাও অধিক হোৱা দেখা গ’ল। অতি গভীৰভাৱে বিশ্লেষণ কৰাৰ পিছত স্বাস্থ্যসন্মত খাদ্য খোৱাৰ পিছতো একাংশ লোক সদায় অসুস্থ হৈ থাকে। কাৰণ চাহৰ লগত বিস্কুট বা ভজা খাদ্য খায়। ইয়াৰ বাবে গৱেষকসকলে কেইবাদিনো ৮৫৪ জন লোকৰ খাদ্যাভ্যাসৰ ওপৰত তীক্ষ্ণ দৃষ্টি ৰাখিছিল। ইয়াৰে ৯৫ শতাংশই সঠিক সময়ত ৰাতিপুৱাৰ আহাৰ গ্ৰহণ কৰিছিল।
ইউৰোপিয়ান জাৰ্নেল অৱ নিউট্ৰিচনিষ্টত প্ৰকাশিত এক প্ৰতিবেদন অনুসৰি লণ্ডনৰ কিংছ কলেজৰ গৱেষকসকলে কয় যে ২৬ শতাংশ লোকে স্বাস্থ্যসন্মত খাদ্য গ্ৰহণ কৰে যদিও ফ্ৰাইৰ দৰে অস্বাস্থ্যকৰ জলপান খাই নিজৰ সকলো পুষ্টিকৰ উপাদান অপচয় কৰে। লাহে লাহে এইসকল লোকৰ স্বাস্থ্যৰ অৱনতি ঘটিছে। বেছিভাগ মানুহেই ব্ৰেকফাষ্টত কুকিজ, ফল-মূল, বাদাম, গুটি, পনিৰ, মাখন, কেক, বিস্কুট, কেক আদি খায় আৰু তেওঁলোকৰ তেজৰ চেনিৰ পৰিমাণ বৃদ্ধি হয়। ইয়াৰ ফলত হৃদৰোগৰ সম্ভাৱনাও বৃদ্ধি পায়। গতিকে সাৱধান হওক।
