ক’ৰ’নাৰ লগতে ৰাজ্যত প্ৰলয়ংকাৰী বানৰ বিভিষিকা চলি থকা সময়তে আজি বিশ্বনাথ জিলা ছাত্ৰ সন্থাই বিশ্বনাথ মহকুমা ছাত্ৰ সন্থা, বিশ্বনাথ চাৰিআলি আঞ্চলিক ছাত্ৰ সন্থা আৰু বিশ্বনাথ মহাবিদ্যালয় আছু গোটে ব্ৰহ্মপুত্ৰৰ বুকুৱেদি গৈ বালিডুবি অঞ্চলৰ বান পীড়িত ৰাইজক খাদ্য সামগ্ৰীৰ যোগান ধৰে।
সদৌ অসম ছাত্ৰ সন্থাৰ সহকাৰী সাধাৰণ সম্পাদক দুলদুল বৰকটকীৰ নেতৃত্বত যোৱা দলটোৱে উক্ত বান বিধ্বস্ত অঞ্চলৰ বুজ লৈ অনতি বিলম্বে চৰকাৰী সা-সুবিধা আৰু ক্ষতিপূৰণ প্ৰদানৰ বাবে চৰকাৰক দাবী জনাইছে।
উক্ত সজাতি দলটোত সদৌ বিশ্বনাথ জিলা ছাত্ৰ সন্থাৰ সভাপতি বিক্ৰম বিকাশ বৰা, উপ-সভাপতি মঃ আজমত শ্বেখ, গুৱাহাটী উচ্চ ন্যায়ালয়ৰ অধিবক্তা পৰাণ বৰদলৈ, বিশ্বনাথ মহকুমা ছাত্ৰ সন্থাৰ ভাৰপ্ৰাপ্ত সভাপতি হেমন্ত সোনা, ভাৰপ্ৰাপ্ত সাধাৰণ সম্পাদক ভাস্কৰ চমুৱা, বিশ্বনাথ চাৰিআলি আঞ্চলিক ছাত্ৰ সন্থাৰ ভাৰপ্ৰাপ্ত সভাপতি সুৰজ ভূঞা, গুৱাহাটী বিশ্ববিদ্যালয় আছু গোটৰ প্ৰিয়াংকু প্ৰতিম দাস, বিশ্বনাথ মহাবিদ্যালয় ছাত্ৰ একতা সভাৰ সভাপতি প্ৰজ্ঞান জ্যোতি শইকীয়া লগতে আছুৰ বিষয়-ববীয়া সকল।
বান পীড়িত ৰাইজক চৰকাৰে অতি কম দিনৰ ভিতৰত উপযুক্ত সা-সুবিধা আৰু ক্ষতিপূৰণ প্ৰদান নকৰিলে বিশ্বনাথ জিলা ছাত্ৰ সন্থাই গনতান্ত্রিক কাৰ্যসূচী গ্ৰহণ কৰিবলৈ বাধ্য হ’ব বুলি জানিবলৈ দিছে।
