মুছলমান যুৱকৰ সৈতে বিজেপি নেতাৰ কন্যাৰ বিয়াক লৈ প্ৰতিবাদ! আৰু তাৰ পিছত তেওঁ এটা ডাঙৰ সিদ্ধান্ত ল’লে। উত্তৰাখণ্ডৰ ভাৰতীয় জনতা পাৰ্টিৰ নেতা যশপাল বেনামৰ কন্যাৰ বিবাহ ঠিক হয় এজন মুছলমান যুৱকৰ সৈতে। ছচিয়েল মিডিয়াত ভাইৰেল হৈ পৰিছে এই বিবাহৰ কাৰ্ড। ইয়াৰ পিছতে ছচিয়েল মিডিয়াত আৰম্ভ হয় বিভিন্ন চৰ্চা। হিন্দুত্ববাদী সংগঠনসমূহে এই বিবাহৰ তীব্ৰ প্ৰতিবাদ সাব্যস্ত কৰে। ইয়াৰ পিছতে যশপালে খৰখেদাকৈ কন্যাৰ বিয়াৰ অনুষ্ঠান স্থগিত কৰে।
উত্তৰাখণ্ডৰ বিজেপি নেতাগৰাকীয়ে নিজৰ কন্যাৰ বিয়াৰ ব্যৱস্থা কৰে তাই ভালপোৱা যুৱকজনৰ লগত। ল’ৰাজন মুছলমান হোৱাৰ বাবে হিন্দুত্ববাদী সংগঠনে তাইৰ বিবাহ বন্ধ কৰিবলৈ হেঁচা প্ৰয়োগ কৰে। অৱশেষত তেওঁ সংগঠনৰ হেঁচাত শিৰনত কৰিলে। জীয়েকৰ বিবাহ ভংগ কৰি পেলালে। বিজেপি নেতা যশপাল বেনামে মুছলমানৰ ঘৰত কন্যাৰ বিয়াৰ ব্যৱস্থা কৰা বুলি জনাৰ পিছতে দলৰ নেতাসকলৰ প্ৰবল সমালোচনাৰসন্মুখীন হোৱাত তেওঁ এই বিবাহ বাতিল কৰে।
লগতে পঢ়ক: পি এম মোডী তথ্যচিত্ৰ:মানহানিৰ গোচৰত বিবিচিলৈ চমন জাৰি দিল্লী উচ্চ ন্যায়ালয়ৰ
বিজেপি নেতা যশপাল বেনামে কয় যে দৰাৰ পৰিয়ালৰ সৈতে ‘পাৰস্পৰিক সন্মতি’ত ছোৱালীজনীৰ বিবাহ বাতিল কৰা হৈছে। অহা ২৮ মে’ত বিজেপি নেতাৰ কন্যাৰ বিবাহৰ কথা আছিল। শনিবাৰে সাংবাদিকৰ আগত বিজেপি নেতাগৰাকীয়ে কয় যে ২৮ মে’ত হ’বলগীয়া এই বিবাহ এতিয়া বাতিল কৰা হৈছে।
তেওঁ কয়, “এজন জনপ্ৰতিনিধি হিচাপে মই বিচপা নাছিলো যে মোৰ ছোৱালীৰ বিয়াৰ বিষয়ে সমাজত চৰ্চা হওক। মানুহৰ অনুভুতিক মই সন্মান কৰো।”
নাম প্ৰকাশত অনিচ্ছুক পৰিয়ালটোৰ এজন ঘনিষ্ঠ বন্ধুৱে কয়, “দুয়ো পৰিয়ালৰ সন্মতি সাপেক্ষে বিবাহ ঠিক কৰা হৈছিল, কিন্তু কিছু বিষয় পোহৰলৈ অহাৰ পিছত প্ৰচণ্ড সমালোচনাৰ বাবে বিবাহ বাতিল কৰিবলগীয়া হয়”।
লগতে পঢ়ক: মুখত অজস্ৰ ফুটা : এসময়ত বলিউডৰ চেলিব্ৰেটি আজি পথৰ চাহ দোকানী
কন্যাৰ বিয়া বাতিলৰ সন্দৰ্ভত যশপাল বেনামে কয়, “মোৰ ছোৱালীৰ বিয়া এজন মুছলমান যুৱকৰ সৈতে ঠিক হৈছিল। তেওঁলোকে ইজনে সিজনক ভাল পাইছিল। আমি ছোৱালীজনীৰ সুখ ইচ্ছাৰ প্ৰতি মৰ্যাদা দি মুছলমান পৰিয়ালত ছোৱালীজনীৰ বিবাহ ঠিক কৰো। ইয়াৰ বাবে কাৰ্ডো ছপা কৰা হৈছিল। ছচিয়েল মিডিয়াত ভাইৰেল হৈ পৰিছে এই কাৰ্ড। বিভিন্ন ধৰণৰ কথা উত্থাপন হৈছিল। দুয়োটা পৰিয়ালে সংঘাতৰ পৰা হাত সাৰিবলৈ বিয়াৰ অনুষ্ঠানটো স্থগিত ৰখাৰ বাবে সন্মত হৈছো।”
অৱশ্যে পৰিয়াল আৰু শুভাকাংক্ষীসকলৰ সৈতে আলোচনা কৰি পৰৱৰ্তী সিদ্ধান্ত লোৱা হ’ব বুলিও তেওঁ কয়। পাউৰি গড়ৱালৰ পৌৰসভাৰ অধ্যক্ষ পদত আছে বিজেপি নেতাগৰাকী।
লগতে পঢ়ক: হাইস্কুল শিক্ষান্ত পৰীক্ষাৰ ফলাফল, ২০২৩ : কোনে কোনে লাভ কৰিলে প্ৰথম দহটা স্থান?
শুকুৰবাৰে হিন্দুত্ববাদী সংগঠনসমূহে বিজেপি নেতা যশপালৰ বিৰুদ্ধে প্ৰতিবাদ সাব্যস্ত কৰে। সংগঠনসমূহে তেওঁৰ প্ৰতিমূৰ্তিও জ্বলাই দিয়ে। এই প্ৰতিবাদত বিশ্ব হিন্দু পৰিষদ, ভৈৰৱ সেনা আৰু বজৰং দলে অংশগ্ৰহণ কৰে। বিশ্ব হিন্দু পৰিষদৰ জিলা কাৰ্যবাহী সভাপতি দীপক গৌৰে কয় যে আমি এই বিবাহৰ তীব্ৰ বিৰোধিতা কৰিছো।
