কৰ’না ভাইৰাছৰ সংক্ৰমণৰ পৰা ৰক্ষা পৰিবৰ বাবে মাস্ক পৰিধান কৰাটো বিশেষভাৱে জৰুৰী বুলি কোৱা হৈছে। বিশেষকৈ বাহিৰলৈ ওলাই গ’লে সংক্ৰমণৰ পৰা ৰক্ষা পৰাৰ লগতে আনকো এই সংক্ৰমণৰ পৰা দূৰত ৰখাৰ উদ্দেশ্যে মাস্ক পৰিধান কৰিবলৈ চিকিৎকসকলে আহ্বান জনাই আহিছে।
ক‘ৰনা ভাইৰাছে সমগ্ৰ বিশ্বজুৰি আতংকময় পৰিস্থিতি সৃষ্টি কৰাৰ সময়তে নগাঁও জিলাৰ চামগুৰিত শনিবাৰে কলিয়াবৰ জিলা বিজেপিৰ সভাপতি অনিল শইকীয়াই জনহিতাৰ্থে এক প্ৰশংসনীয় পদক্ষেপ গ্ৰহণ কৰে ৷
জানিব পৰা মতে, বিজেপিৰ কলিয়াবৰ জিলা সমিতিৰ সভাপতি অনিল শইকীয়াই সম্পূৰ্ণ ব্যক্তিগত উদ্যোগত স্থানীয় অসমীয়া শিপিনী অল্পনা হাজৰিকা আৰু গীতাশ্ৰী শইকীয়াৰ নেতৃত্বত মুঠ ১২ গৰাকী শিপিনীৰ জৰিয়তে “ জয় আই টেক্সটাইল“ত পাঁচ হাজাৰ মাস্ক নিৰ্মাণ কৰি অভাৱগ্ৰস্ত ৰাইজৰ মাজত বিতৰণ কৰে৷
শনিবাৰে বিয়লি সভাপতি গৰাকীৰ নিজা বাসগৃহৰ পৰা উক্ত মাস্কখিনি চামগুৰি সমষ্টিৰ পঞ্চায়ত সমূহৰ সভাপতি আৰু ৱাৰ্ড মেম্বাৰ সকলৰ জৰিয়তে বিভিন্ন ঠাইত বিতৰণৰ ব্যবস্থা কৰা এই পদক্ষেপক ৰাইজে শলাগ লৈছে ৷
