মুখ্যমন্ত্ৰী আৰু সদগুৰুৰ ‘নাইট চাফাৰী’কলৈ চাফাই দিয়াৰ চেষ্টা মন্ত্ৰী পিযুষ হাজৰিকাৰ; উভতি ধৰিলে নেটিজেনে

Pijush Hazarika tries to justify CM & Sadhguru’s মুখ্যমন্ত্ৰী হিমন্ত বিশ্ব শৰ্মা আৰু সদগুৰুৰ বিৰুদ্ধে কাজিৰঙা ৰাষ্ট্ৰীয় উদ্যানত তেওঁলোকৰ নাইট চাফাৰীকলৈ এজাহাৰ দাখিল কৰাৰ পিছত বিজেপিৰ কেইবাজনো সদস্যই এই কাৰ্যক ন্যায়সঙ্গত বুলি তুলি ধৰাৰ প্ৰয়াস কৰিছে।

এনে এক প্ৰয়াস এইবাৰ লোকনিৰ্মাণ বিভাগৰ মন্ত্ৰী পিযুষ হাজৰিকাইও কৰা দেখা গৈছে য’ত তেওঁ অসমৰ প্ৰাক্তন মুখ্যমন্ত্ৰী তৰুণ গগৈৰ এখন ভ্ৰমণসূচীৰ চৰকাৰী পত্ৰ শ্বেয়াৰ কৰিছে।

মন্ত্ৰীজনে দাবী কৰিবলৈ চেষ্টা কৰিছে যে হিমন্ত বিশ্ব শৰ্মা আৰু সদগুৰুৰ দৰে তৰুণ গগৈয়েও চৰকাৰী সময়ৰ পিছত উদ্যানখন পৰিদৰ্শন কৰিছিল।

লগতে পঢ়ক: ধৰ্ষণত অভিযুক্ত আইপিএল খেলুৱৈ পলাতক; ইণ্টাৰপোলৰ কাষ চাপিল আৰক্ষী

অৱশ্যে বিতৰ্কটো যেতিয়া মুখ্যমন্ত্ৰী আৰু সদগুৰুৰ উদ্যানখনত নাইট চাফাৰীকলৈ সম্পৰ্কিত, তাত পিযুষ হাজৰিকাই তেনে কোনো প্ৰমাণ দেখুৱাত ব্যৰ্থ হৈছে।

মন্ত্ৰীজনে নিজেই শ্বেয়াৰ কৰা কাৰ্যসূচীখনত কোৱা হৈছে যে ২০২০ চনত প্ৰয়াণ ঘটা প্ৰাক্তন মুখ্যমন্ত্ৰীগৰাকীয়ে কেৱল উদ্যানৰ ভিতৰত এটা অতিথিশালালৈ গৈছিল আৰু সেয়াও ভ্ৰমণ সময়ৰ আবেলি প্ৰায় ৪ বজাত।

মন্ত্ৰীজনে শ্বেয়াৰ কৰা ভ্ৰমণসূচীত প্ৰাক্তন মুখ্যমন্ত্ৰীয়ে নাইট চাফাৰী কৰা সন্দৰ্ভত কোনো প্ৰমাণ নাই।

লগতে পঢ়ক: ৰাইজৰ দলৰ কাৰ্যালয়ত জাৰ্মানীৰ দুগৰাকী গৱেষক ছাত্ৰী; কি জানিব বিচাৰি আহিল এইদৰে?

টুইটটোত পিযুষ হাজৰিকাই কয়, “সন্মানীয় সাংবাদিকসকল। মাৰ্চ, ২০০৮ ত তদানীন্তন মুখ্যমন্ত্ৰী তৰুণ গগৈৰ এই ভ্ৰমণ কাৰ্যসূচীটো চাওক। তেতিয়াৰ মুখ্যমন্ত্ৰীয়ে আবেলি ৪ বজাত আৰিমোৰা ফৰেষ্ট গেষ্ট হাউচত উপস্থিত হৈছিল যিটো কাজিৰঙা ৰাষ্ট্ৰীয় উদ্যানৰ প্ৰায় ১৩ কিলোমিটাৰ ভিতৰলৈ অৱস্থিত আৰু উদ্যানখনৰ মূল এলেকাৰ অভ্যন্তৰত অৱস্থিত আৰু নিশাটো তাত কটাইছিল।”

অৱশ্যে নেটিজেনসকলে ঘটনাটোক ন্যায়সঙ্গত বুলি দাঙি ধৰিবলৈ কৰা চেষ্টাৰ বাবে তেওঁক সমালোচনা কৰিছে।

এজন ইউজাৰে লিখিছে, “মই দেখিছোঁ যে তেওঁ অতিথিশালাত আছিল, কোনো বাবাজীৰ সৈতে নিশাৰ বন্যপ্ৰাণী চাফাৰী কৰাৰ বিপৰীতে সাংস্কৃতিক অনুষ্ঠানত উপস্থিত আছিল।”

আন এজনে লিখিছে, “জিৰণি ঘৰত নিশাটো থকা আৰু আপোনাৰ সম্পূৰ্ণ দলৰ সৈতে চাফাৰী লৈ যোৱা, সাংবাদিকৰ সৈতে চাফাৰী লৈ যোৱা, অতিথি এজনক জীপ চলাবলৈ অনুমতি দিয়া, ফটো অ’পৰ বাবে ফ্লেছ ফটোগ্ৰাফী ব্যৱহাৰ কৰাৰ মাজত পাৰ্থক্য আছে। আৰু আপুনি ইয়াক বিচাৰি উলিওৱাটোৱে হাঁহিৰ খোৰাকহে যোগাইছে।”

লগতে পঢ়ক:ৰাছিয়াৰ নাগৰিকত্ব পোৱাৰ পিছত আমেৰিকা যুক্তৰাষ্ট্ৰত চোৰাংচোৱাগিৰিত অভিযুক্ত স্নোডেনে কি ক’লে?

আন এজন ইউজাৰে লিখিছে, “নথিখন চাই ভ্ৰমণসূচীত ‘নাইট চাফাৰী’ বিচাৰি পোৱা নাই। এয়া কোনো প্ৰত্যুত্তৰৰ বাবে গ্ৰহণযোগ্য অজুহাত নহয়। ৰাইজৰ সঁহাৰিলৈ চাই হতাশা স্পষ্ট। সমতা পুনৰুদ্ধাৰৰ বাবে পৰৱৰ্তী নিৰ্বাচনত বিজেপিক ক্ষমতাৰ পৰা আঁতৰোৱা হ’ব!”

Respected journalists.Have a look at this tour programme of then CM Tarun Gogoi in March,2008.The then CM had arrived at Arimora Forest Guest House at 4 PM which is around 13 kms inside Kaziranga National Park & situated deep inside the park's core area & stayed there overnight. pic.twitter.com/JZdfUIxsrm

— Pijush Hazarika (@Pijush_hazarika) September 27, 2022

তেওঁলোকৰ দৰেই, বহুতে আনকি পিযুষ হাজাৰিকাক সুধিছে যে তেওঁ বৰ্তমানৰ মুখ্যমন্ত্ৰীৰ কাৰ্যক ন্যায়সঙ্গত কৰিবলৈ চেষ্টা কৰি আছে নেকি কিয়নো প্ৰাক্তন গৰাকী উদ্যানখনত নিশা আছিল।

উল্লেখ কৰিব পাৰি যে কাজিৰঙা ৰাষ্ট্ৰীয় উদ্যানত জীপ চাফাৰী নিয়ম উলংঘা কৰাৰ অভিযোগত আধ্যাত্মিক নেতা সদগুৰু আৰু অসমৰ মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে কেইবাখনো এজাহাৰ দাখিল কৰা হৈছে।