সপ্তদশ লোকসভাৰ অধ্যক্ষ হিচাপে বিজেপিয়ে দলটোৰ সাংসদ ওম বিৰলাক প্ৰক্ষেপ কৰাৰ পৰিকল্পনা কৰিছে। সোমবাৰে অধিৱেশন আৰম্ভ হোৱা নিম্ন সদনৰ অধ্যক্ষ হিচাপে ৰাজস্থানৰ কোটাৰ পৰা দুবাৰকৈ নিৰ্বাচিত সাংসদ ওম বিৰলাক মনোনীত কৰাটো প্ৰায় নিশ্চিত হৈছে।
ওম বিৰলাৰ পত্নী অমিত বিৰলাই সাংবাদিকৰ আগত কয় যে পৰিয়ালৰ বাবে এয়া এক অতি গৌৰৱৰ মুহূৰ্ত।
‘’এয়া আমাৰ বাবে অতি গৌৰৱ আৰু সুখৰ মুহূৰ্ত। আমি তেওঁক নিৰ্বাচিত কৰা বাবে কেবিনেটক ধন্যবাদ জনাইছো,’’-তেওঁ এটা সংবাদ প্ৰতিষ্ঠানৰ আগত এইদৰে কয়।
বিজেপি প্ৰাৰ্থী হিচাপে ২০১৯’ৰ লোকসভা নিৰ্বাচনত প্ৰতিদ্বন্দ্বিতা কৰা ওম বিৰলাই কংগ্ৰেছ দলৰ ৰামনাৰায়ন মীনাক ২.৫ লাখ ভোটৰ বৃহৎ ব্যৱধানত পৰাজিত কৰি কোটা-বুন্দি সমষ্টিৰ পৰা নিৰ্বাচিত হৈছে।
বিৰলাই পূৰ্বৰ লোকসভাৰ অধ্যক্ষ সুমিত্ৰা মহাজনৰ স্থানত স্থলাভিষিক্ত হ’ব। উল্লেখযোগ্য যে সুমিত্ৰা মহাজনে এইবাৰ লোকসভা নিৰ্বাচনত প্ৰতিদ্বন্দ্বিতা কৰা নাছিল।
