দক্ষিণত নিজৰ স্থিতি শূন্য কৰি কৰ্ণাটকৰ বিধান সভাৰ নিৰ্বাচনত বেয়াকৈ মুখ থেকেছা খোৱা ভাৰতীয় জনতা পাৰ্টিৰ ভৱিষ্যত সম্পৰ্কে ডাঙৰ মন্তব্য আগবঢ়ালে পশ্চিমবংগৰ মুখ্যমন্ত্ৰী মমতা বেনাৰ্জীয়ে।
শনিবাৰে কৰ্ণাটকৰ বিধান সভাৰ নিৰ্বাচনৰ ফলাফল ঘোষণা হোৱাৰ লগে লগে আগুন্তুক লোকসভা নিৰ্বাচনৰ ভৱিষ্যদ্বাণী কৰে পশ্চিমবংগৰ মুখ্যমন্ত্ৰী মমতা বেনাৰ্জীয়ে। দেওবাৰে তেওঁ উচ্চস্বৰত কয়, “২০২৪ৰ নিৰ্বাচনত বিজেপিয়ে ১০০খন আসনো লাভ কৰিব নোৱাৰে।”
দেওবাৰে বিয়লি মমতা বেনাৰ্জীক সাক্ষাৎ কৰিবলৈ কালিঘাটলৈ গৈছিল বলীউডৰ ছুপাৰষ্টাৰ ছলমান খান। ছলমানৰ প্ৰস্থানৰ পিছত মমতাই তেওঁক কৰ্ণাটকক লৈ প্ৰতিক্ৰিয়া প্ৰকাশ কৰে। তেওঁ কয়, ‘লিখি ৰাখক, বিজেপিৰ শেষ আৰম্ভ হ’ল৷ বিজেপিৰ পৰাজয় আৰম্ভ হৈছে আৰু পুনৰ জয়ী হ’ব নোৱাৰে।”
ইয়াৰ পূৰ্বে বেনাৰ্জীয়ে দাবী কৰিছিল যে আগন্তুক লোকসভা নিৰ্বাচনত বিজেপিক ক্ষমতাৰ পৰা উৎখাত কৰা হ’ব। তেওঁ যথেষ্ট আত্মবিশ্বাসেৰে কথাবোৰ ক’লে।
উল্লেখ্য যে, ৰাজনৈতিক বিশ্লেষক সকলৰ মতে ২৪ ৰ লোকসভা নিৰ্বাচনৰ ফলাফল কি হ’ব সেয়া কোৱাটো সম্ভৱ নহয়। মমতা বেনাৰ্জীয়ে উদ্দেশ্য হ’ল কৰ্ণাটকৰ এই পৰাজয়ক তেওঁলোকৰ সন্মুখত ৰাখি বংগত বিজেপিৰ মনোবল ভাঙি পেলোৱা।
লগতে তেওঁ বংগবাসীক পতিয়ন নিয়াব বিচাৰিছে যে বিজেপি পুনৰ জয়ী নহয়। যিহেতু অমিত শ্বাহে বংগলৈ আহি কেন্দ্ৰত বিজেপিয়েই ক্ষমতাত থাকিব বুলি উল্লেখ কৰিছিল সেয়ে তাৰ প্ৰত্যুত্বৰ হিচাপে এই উত্তৰ দিলে মমতা বেনাৰ্জীয়ে।
মধ্য প্ৰদেশ, ছত্তীশগড়, ৰাজস্থান, বিহাৰ আৰু মহাৰাষ্ট্ৰত বিজেপিৰ পৰাজয় হ’ব বুলিও বেনাৰ্জীয়ে আত্মবিশ্বাসেৰে কয়। তেওঁ লগতে কয় যে বিজেপিৰ একমাত্ৰ আশা উত্তৰ প্ৰদেশ। এইদৰেই এতিয়া মমতা বেনাৰ্জীৰ ভৱিষ্যতবাণীয়ে তীব্ৰ প্ৰতিক্ৰিয়াৰ সৃষ্টি কৰিছে দেশৰ ৰাজনৈতিক মহলৰ মাজত।
