মুছলমানসকলক লৈ বিজেপি আৰু কংগ্ৰেছৰ মাজত চলি থকা ৰাজনৈতিক যুঁজৰ মাজতে তেলেংগানাৰ মুখ্যমন্ত্ৰী ৰেৱন্ত ৰেড্ডীয়ে অভিযোগ কৰিছে যে অদূৰ ভৱিষ্যতে বিজেপিয়ে প্ৰান্তীয় সম্প্ৰদায়ৰ বাবে সংৰক্ষণ সম্পূৰ্ণৰূপে নাইকিয়া কৰাৰ পৰিকল্পনা কৰিছে।
ৰেৱন্ত ৰেড্ডীয়ে দাবী কৰে যে বিজেপিয়ে নিজৰ মতাদৰ্শগত গুৰু ৰাষ্ট্ৰীয় স্বয়ংসেৱক সংঘৰ শতবাৰ্ষিকী উপলক্ষে ২০২৫ চনৰ ভিতৰত সংৰক্ষণ বাতিল কৰিব।
বৃহস্পতিবাৰে এখন ৰাজহুৱা সভাত কংগ্ৰেছ নেতাগৰাকীয়ে কয় যে, “২০২৫ চনৰ ভিতৰত আৰ এছ এছে ১০০ বছৰ সম্পূৰ্ণ কৰিব। ২০২৫ চনৰ ভিতৰত অনুসূচিত জাতি, অনুসূচিত জনজাতি, অ’বিচিৰ সংৰক্ষণ বাতিল কৰাৰ চেষ্টা চলাইছে।ইতিমধ্যে বহুবাৰ আৰএছএছ আৰু বিজেপিৰ নেতাই সংৰক্ষণৰ সন্দৰ্ভত মন্তব্য কৰিছে।”
ৰেড্ডীয়ে আঙুলিয়াই দিয়ে যে বিজেপিয়ে পূৰ্বে মণ্ডল আয়োগৰ প্ৰতিবেদনৰ কাৰ্যকৰীকৰণ বন্ধ কৰি দিছিল, য’ত পিছপৰা শ্ৰেণী (বিচি)ৰ বাবে সংৰক্ষণৰ প্ৰস্তাৱ আছিল।
ৰেড্ডীয়ে আৰু অভিযোগ কৰে যে অনুসূচিত জাতি, অনুসূচিত জনজাতি আৰু অ’বিচি সম্প্ৰদায়ৰ সংৰক্ষণ বাতিল কৰাৰ সংখ্যা সংসদত থাকিবলৈ লোকসভা নিৰ্বাচনত ৪০০খন আসন লাভ কৰাৰ লক্ষ্যৰে বিজেপিৰ ‘অবকি বাৰ ৪০০ পাৰ’ৰ লক্ষ্য নিৰ্ধাৰণ কৰিছে।
বুধবাৰে মধ্যপ্ৰদেশত অনুষ্ঠিত এক সমাৱেশৰ সময়ত প্ৰধানমন্ত্ৰী নৰেন্দ্ৰ মোদীয়ে সংৰক্ষণ সন্দৰ্ভত কংগ্ৰেছ দলৰ স্থিতিক তিৰস্কাৰ কৰা মন্তব্যৰ পাছতে ৰেড্ডীয়ে এই মন্তব্য প্ৰদান কৰিছে।
