নাগৰিকত্ব সংশোধনী আইনৰ বিৰুদ্ধে অসমৰ বিভিন্ন দল সংগঠন উচ্চতম ন্যায়লয়ৰ কাষ চপাৰ সময়ত বোকাখাতৰ ব্যৱসায় সন্থাই এজনীয়া নহয় নূন্যতম পাঁচজনীয়া বিচাৰপীঠত এই বিচাৰ চলাবৰ বাবে আহ্বান জনায় ৷ এজনীয়া বিচাৰপীঠে অসমৰ হিত সাধন নকৰিব পাৰে বুলি ব্যৱসায় সন্থাই শংকা প্ৰকাশ কৰে।
আজি বোকাখাতৰ নাট্য মন্দিৰত অনুষ্ঠিত এক বিশেষ বৈঠকত এই সম্পৰ্কত এক ৰাজহুৱা প্ৰস্তাৱ গ্ৰহণ কৰি উচ্চতম ন্যায়লয়লৈ প্ৰেৰণ কৰে বোকাখাত ব্যৱসায় সন্থাই।
অসম ৰাজ্যিক সাংবাদিক সন্থাৰ সভাপতি জিতু শৰ্মা ৰাজখোৱাৰ সঞ্চালনাত অনুষ্ঠিত এই বৈঠকত আছু, জাতীয়তাবাদী যুৱ ছাত্ৰ পৰিষদ আৰু অনান্য ৩০টা সংগঠনৰ নেতৃত্বত চলি থকা চি এ এ বিৰোধী আন্দোলনৰ প্ৰতি পূৰ্ণ সমৰ্থন আগবঢ়োৱা হয়।
অহা ১৭ ডিচেম্বৰত বোকাখাতৰ ৰাজহুৱা খেলপথাৰত হ’ব লগা গন সত্যাগ্ৰহত সমূহ ব্যৱসায়ীয়ে অংশগ্ৰহণ কৰাৰ সিদ্ধান্ত লয়। আজিৰ বৈঠকত ব্যৱসায় সন্থাৰ সম্পাদক নৱাগত শইকীয়া, সভাপতি পূৰ্ণ শৰ্মা, উপদেষ্টা দিলীপ শইকীয়া, শৰৎ শৰ্মা, জাতীয়তাবাদী যুৱ ছাত্ৰ পৰিষদৰ কেন্দ্ৰীয় উপ সভাপতি দীপক হাজৰিকা, গোলাঘাট জিলা ছাত্ৰ সন্থাৰ দিপাংকৰ হাজৰিকা , মহকুমা ছাত্ৰ সন্থাৰ সভাপতি দীপ ঠাকুৰীয়া, সম্পাদক গীতাৰ্থ শইকীয়া আৰু টাই আহোম ছাত্ৰ সন্থাৰ বিজয় ফুকন আদি উপস্থিত থাকে ৷
