জেষ্ঠ বলীউদী অভিনেত্ৰী জিনত আমান মুগ্ধ হৈ পৰিছে উত্তৰ-পূবৰ ৰাজ্য নাগালেণ্ডৰ সৌন্দৰ্য্য আৰু পৰিষ্কাৰ-পৰিছন্নতাত।
ৰাজ্যখনৰ অপূৰ্ব সৌন্দৰ্য্যত মোহিত হৈ পৰা অভিনেত্ৰী গৰাকীয়ে নাগালেণ্ডক ভাৰতৰ ভিতৰত পৰিষ্কাৰ ঠাই হিচাপে অভিহিত কৰে।
‘‘মই নাগালেণ্ড ভ্ৰমণলৈ গৈছিলো আৰু অতি সুন্দৰ ঠাই, মানুহৰ বোৰ বন্ধুত্ব সুলভ প্ৰকৃতিৰ আৰু মৰমীয়াল’’-বৃহস্পতিবাৰে মুম্বাইত সংবাদ মাধ্যমৰ আগত কয় আমানে
বৃহস্পতিবাৰে মুম্বাইত অনুষ্ঠিত হোৱা এটা অনুষ্ঠানত প্ৰাক্তন মিছ নাগালেণ্ড ইমলিবেনলা ৱাটিকো সম্বৰ্ধনা জনোৱা হয়।
আনহাতে, বলীউদৰ অভিনেত্ৰীগৰাকীয়ে নাগালেণ্ডৰ লোকসকলৰ চিত্ৰ, সংগীত আৰু অন্যান্য ক্ষেত্ৰত থকা প্ৰতিভাৰো উচ্চ প্ৰশংসা কৰে।
নাগালেণ্ডৰ প্ৰাকৃতিক সৌন্দৰ্য্য অতি মনোমোহা আৰু তাৰ জনসাধাৰণে সকলো ধৰণৰ প্ৰাকৃতিক অঞ্চল চাফ-চিকুণ কৰি ৰখাৰ ক্ষেত্ৰত খুব সচেতন বুলিও তেওঁ উল্লেখ কৰে।
তদুপৰি, জিনত আমানে নাগালেণ্ডৰ বাসিন্দা সকলে নিজৰ ঘৰসমূহো গছ-গছনি অথবা ফুলৰ দ্বাৰা সজাই বুলি মন্তব্য কৰে।
উল্লেখযোগ্য যে, প্ৰাক্তন মিছ নাগালেণ্ড ইমলিবেনলা ৱাটিয়ে চীনত অনুষ্ঠিত হোৱা মিছ এছিয়া পেচিফিক ৱৰ্ল্ড-২০১৬ত ভাৰতক প্ৰতিনিধিত্ব কৰিছিল।
ৱাটিক প্ৰশংসা কৰি আমানে প্ৰতিভাৱান মডেলগৰাকীক লগ পাই সুখী বুলি মন্তব্য কৰে।
নাগালেণ্ডৰ মডেলগৰাকীয়ে মিছ নাগালেণ্ড, মিছ ইণ্ডিয়া এলিট আদিকে ধৰি ভালেমান প্ৰতিযোগিতাত বিজয়ী হোৱা বুলি উল্লেখ কৰি বলীউদৰ অভিনেত্ৰীগৰাকীয়ে তেওঁৰ ৰূপ,সৌন্দৰ্য্য আৰু জ্ঞানৰ প্ৰশংসা কৰে।
