বিএমচিক ক্ষতিপূৰণ দিয়াৰ নিৰ্দেশ; ঘৰ ভঙাৰ গোচৰত বোম্বে হাইকোৰ্টত কংগনাৰ জয়

বোম্বে হাইকোৰ্টত শুকুৰবাৰে সকাহ লাভ কৰিলে অভিনেত্ৰী কংগনা ৰানাওটে। কংগনাৰ পালি হিলৰ কাৰ্যালয় ভাঙি দিয়াৰ বাবে বৃহন্মুম্বাই পৌৰনিগম (বিএমচি)ক আদালতে ভৎসৰ্না কৰে।

বৃহত্তৰ মুম্বাই পৌৰনিগম নাগৰিক অধিকাৰৰ (এমচিজিএম)ৰ বিৰুদ্ধে ভুলকৈ এই কাম  কৰা হৈছে। আইনৰ দৃষ্টিত এয়া বিদ্বেষত বাহিৰে আন একো নহয়।

ন্যায়াধীশ এছ জি কাথাওৱাল্লা আৰু আৰ আই চাগলাৰ খণ্ড বিচাৰপীঠে এইদৰে মত পোষণ কৰে।  তেওঁলোকে কোনো নাগৰিকৰ ওপৰত প্ৰশাসনৰ পেশী শক্তিৰ অপব্যৱহাৰ আদালতে সহ্য নকৰে বুলিও স্পষ্ট কৰি দিয়ে।

ইয়াৰ লগতে কংগনা ৰানাওটকো নিজৰ মতামত প্ৰকাশ ক্ষেত্ৰত সংযত হোৱাৰ পৰামৰ্শ দিয়ে আদালতে।

কংগনাই মুম্বাই আৰক্ষীৰ বিৰুদ্ধে ক’বলৈ গৈ মুম্বাইক পাক অধিকৃত কাশ্মীৰৰ সৈতে তুলনা কৰিছিল। ইয়াতেই ক্ষুব্ধ হৈ শাসকীয় শিৱসেনাৰ নেতা সঞ্জয় ৰাওটেও কংগনাৰ বিৰুদ্ধে সৰৱ হৈ পৰে। দুয়োজনৰ মাজত তীব্ৰ বাকযুদ্ধ চলে।

ইয়াৰ পাছতে পৰিস্থিতি এনেকুৱা হয়গৈ যে বান্দ্ৰাৰ পালি হিলত পাঁচ নম্বৰ বাংলোত কংগনাৰ ‘মনিকৰ্ণিকা ফিল্মছ’ৰ কাৰ্যালয়টো অবৈধভাৱে নিৰ্মাণ কৰাৰ অভিযোগ তুলি যোৱা ৭ ছেপ্টেম্বৰত বিএমচিয়ে অবিনেত্ৰীগৰাকীক জাননী দিয়ে।

জাননীযোগে ২৪ঘন্টাৰ ভিতৰত তথ্য প্ৰমানসহ নথিপত্ৰ দেখুৱাব নোৱাৰিলে সেয়া ভাহি দিয়া হ’ব বুলি জনোৱাৰ পাছত সেয়া কৰাও হয়।

When individual stands against the government and wins, it’s not the victory of the individual but it’s the victory of the democracy.
Thank you everyone who gave me courage and thanks to those who laughed at my broken dreams.
Its only cause you play a villain so I can be a HERO. https://t.co/pYkO6OOcBr

— Kangana Ranaut (@KanganaTeam) November 27, 2020

বিএমচিয়ে কাৰ্যালয়টো ভঙাৰ পাছত কংগনাই ছচিয়েল মিডিয়াত ক্ষোভ উজাৰে আৰু পাছত বোম্বে হাইকোৰ্টৰ দ্বাৰস্থ হয়।

হাইকোৰ্টৰ নিৰ্দেশনাৰ পাছত টুইটাৰত কংগনাই লিখিছে, ‘’এজন ব্যক্তিয়ে যেতিয়া প্ৰশাসনৰ বিৰুদ্ধে যুঁজ দি জয়লাভ কৰে, সেইয়া কেবল মাত্ৰ তেওঁৰ জয় নহয় গণতন্ত্ৰৰ জয়। মোক সাহস দিয়াৰ বাবে সকলোকে ধন্যবাদ, আৰু ভাহি যোৱা সপোনৰ বাবে হহাঁৰ বাবেও ধন্যবাদ। তোমালোক ভিলেইন হৈছা বাবেই মি হিৰো হ’ব পাৰিছো।‘’