বঙাইগাঁও জিলাত অব্যাহত আছে ক’ৰোনাৰ সংক্ৰমণ ৷
জিলাখনত শনিবাৰৰ দিনটোত নতুনকৈ পুনৰ ২৮ জন ব্যক্তি ক’ভিডত আক্ৰান্ত হৈছে৷
আনহাতে সুস্থ হৈ উঠিছে ৪৪ জনকৈ ৰোগী ৷
জিলাখনত নতুনকৈ ২৮ জন ব্যক্তি ক’ভিডত আক্ৰান্ত হোৱাত বৰ্তমান জিলাখনত মুঠ ১৫৪ জন সক্ৰিয় ৰোগী আছে ৷
ইয়াৰ ভিতৰত ১২১ জন ইনষ্টিটিউচনেল কোৱাৰেণ্টাইনত আৰু ৩৩ জন ব্যক্তি হোম কোৱাৰেণ্টাইনত আছে ৷
আনহাতে শনিবাৰে জিলাখনত মুঠ ৩,২০৮ জন ব্যক্তিৰ ক’ভিড টেষ্ট কৰা হয় ৷
জিলাখনত ১ মাৰ্চৰ পৰা ২৪ জুলাই লৈ মুঠ ক’ভিডত আক্ৰান্ত ৰোগীৰ সংখ্যা বৃদ্ধি পাই ৪,৫৭২ জন হৈছে ৷
