বঙাইগাঁও জিলাৰ উপায়ুক্ত ডা:এম এচ লক্ষ্মী প্ৰিয়াৰ সুচিন্তিত দিহা-পৰামৰ্শ আৰু তত্বাৱধানত জিলাখনত কোভিড সংক্ৰমণ ক্ৰমশ: হ্ৰাস পাই আছে।
বিগত কেইবাদিন ধৰি কোভিড পৰীক্ষাৰ ফলাফলত এগৰাকীও নতুন ৰোগী আক্ৰান্ত হোৱাটো ধৰা পৰা নাই ৷
ইপিনে শনিবাৰে জিলাখনত ৩,১৬১ গৰাকী লোকক কোভিড পৰীক্ষা কৰা হয় যদিও আক্ৰান্তৰ সংখ্যা শূন্য আছিল ৷
অৰ্থাৎ এগৰাকীও ব্যক্তি নতুনকৈ কোভিডত আক্ৰান্ত হোৱাটো ধৰা পৰা নাছিল ৷
জিলাখনৰ ১১৫ টিকাকৰণ কেন্দ্ৰত বিশাল কোভিড টিকাকৰণ অভিযান চলোৱা হৈছিল আৰু লক্ষ্য বান্ধি দিয়া হৈছিল ২৫০০০ হিতাধিকাৰী।কিন্তু নিৰ্ধাৰিত লক্ষ্য অতিক্ৰম কৰি শনিবাৰে বঙাইগাঁৱত সন্ধিয়াৰ পিছলৈকে টিকাকৰণ চলাই ২৭,৮৫২ গৰাকী হিতাধিকাৰীক কোভিড টিকা প্ৰদান কৰা হৈছিল।
বঙাইগাঁৱত শনিবাৰলৈ মুঠ ৬,০৫,৮৭৩( ছয় লাখ পাঁচ হেজাৰ আঠ শ তেসত্তৰ) পালি কোভিড টিকা প্ৰদান কৰা হৈছে আৰু অপচয়ৰোধ কৰি অতিৰিক্ত ৩৯,৩৭৪ পালি কোভিড টিকা দিয়া হৈছে।
আনহাতে দেওবাৰেও জিলাখনত নতুনকৈ এজনো ব্যক্তি কোভিডত আক্ৰান্ত হোৱা ধৰা পৰা নাই ৷
জিলাখনত ৫২৯ গৰাকী ব্যক্তিক কোভিড পৰীক্ষা কৰা হয় ৷ সম্প্ৰতি জিলাখনত সক্ৰিয় ৰোগী ৫ গৰাকী আছে আৰু ইয়াৰে ৪ গৰাকী ইনষ্টিটিউচনেল কোৱাৰেণ্টাইনত আৰু এগৰাকী হোম কোৱাৰেণ্টাইনত আছে ৷
দেওবাৰে জিলাখনত ৪৭৯ পালি টিকা প্ৰদান কৰা হয় ৷
ইয়াকে ধৰি জিলাখনত বৰ্তমানলৈকে মুঠ ৬,০৬,৩৫২ পালি কোভিড টিকা প্ৰদান কৰা হৈছে ৷
