বিগত তিনি-চাৰিদিন ধৰি হৈ থকা নেৰানেপেৰা বৰষুণৰ ফলত ৰাজ্যৰ বিভিন্ন নদ-নদীৰ লগতে পুনৰ ব্ৰহ্মপুত্ৰৰ জলপৃষ্ঠ বিপদ সীমাৰ ওপৰেৰে বব ধৰিছে।
গুৱাহাটীত বুধবাৰে ব্ৰহ্মপুত্ৰৰ পানী বিপদ সীমাৰ ৪৯.৬৮ মিটাৰ ওপৰেদি ববলৈ আৰম্ভ কৰিছে৷
জলসম্পদ বিভাগৰ তৰফৰ পৰা জানিব পৰা মতে বুধবাৰে প্রতি ঘণ্টাত ইয়াৰ জলপৃষ্ঠ ১ ছেণ্টিমিটাৰকৈ বাঢ়ি আছে৷
ইফালে কেন্দ্রীয় বতৰ বিজ্ঞান কেন্দ্রই সদৰী কৰা মতে ৪-৫ দিন গুৱাহাটীৰ লগতে অসম তথা উত্তৰ-পূবৰ বিভিন্ন ৰাজ্যত বতৰ ডাৱৰীয়া হৈ থকাৰ লগতে বৰষুণ হ’ব৷
ইয়াৰ ফলত এইবাৰো ব্রহ্মপুত্রৰ জলপৃষ্ঠ বিগত বাৰৰ দৰে বিপদ সীমাৰ পৰা বহু ওপৰেদি বৈ যোৱাৰ সম্ভাৱনা আছে৷
গুৱাহাটীত পুনৰ জলপৃষ্ঠ বিপদ সীমাৰ ১ মিটাৰ ওপৰলৈ উঠিলে মহানগৰৰ সাতগাঁও, চচল, দ্বাৰকা নগৰ, ৰাজগড়, শান্তিপুৰ, উজানবজাৰ আদি অঞ্চল জলমগ্ন হোৱাৰ সম্ভাৱনা আছে৷
উল্লেখযোগ্য যে ভৰলুমুখৰ শ্লুইচ গে’ট বিগত বহু দিনৰ পৰাই বন্ধ হৈ আছে৷
আনহাতে
ইয়াৰ বাবে কামৰূপ মহানগৰ জিলা প্রশাসনে মহানগৰৰ ব্রহ্মপুত্রৰ কাষৰীয়া সকলো অঞ্চলতে সতর্কতা জাৰি কৰিছে৷