মৰিগাঁৱৰ মণিপুৰ ওজাৰীত বুধবাৰে সন্ধিয়া ঘৰুৱা বিবাদৰ মাজতে এজন ভাতৃয়ে নিজৰ ভগ্নীক হত্যা কৰাৰ অভিযোগ উত্থাপন হৈছে।
খবৰ অনুসৰি, পাৰিবাৰিক বিষয়ক লৈ তৰ্ক-বিতৰ্কৰ পিছত পূৰ্ণ দাসে ক্ষোভত ভগ্নী অনু দাসক বেয়াকৈ আক্ৰমণ কৰে।
নৃশংস আক্ৰমণৰ পিছত তেওঁলোকৰ ঘৰৰ ভিতৰতে বান্ধি থয় আৰু পিছত অৱস্থা বেয়া হোৱাত মৰিগাঁও অসামৰিক চিকিৎসালয়লৈ লৈ যায়।
চিকিৎসালয়ত উপস্থিত হোৱাৰ লগে লগে অনু দাসক চিকিৎসকে মৃত বুলি ঘোষণা কৰে।
প্ৰাথমিক তদন্ত অনুসৰি পৰিয়ালৰ সম্পত্তিক লৈ হোৱা বিবাদৰ ফলত এই ঘটনা সংঘটিত হৈছে।
অৱশ্যে পূৰ্ণ দাসে তেওঁলোকৰ পিতৃৰ প্ৰতি কৰা দুৰ্ব্যৱহাৰৰ বাবেই ভগ্নীক আক্ৰমণ কৰা বুলি উল্লেখ কৰা বুলি জানিব পৰা গৈছে।
ঘটনাৰ সঠিক কাৰণ জানিবলৈ আৰক্ষীয়ে তদন্ত অব্যাহত ৰাখিছে।
