BSNLয়ে মুকলি কৰিছে দুটা আকৰ্ষণীয় প্ৰিপেইড প্লেন; ১০০টকাতকৈয়ো কমতে 3GB ডাটা
ভাৰত সঞ্চাৰ নিগম লিমিটেড অৰ্থ BSNLয়ে ইয়াৰ গ্ৰাহকৰ বাবে দুটা নতুন আকৰ্ষণীয় আৰু সস্তা প্লেন মুকলি কৰিছে।
এই প্ৰিপেইড প্লেন দুটাৰ মূল্য হৈছে ক্ৰমে ৯৪ টকা আৰু ৯৫টকা।
দুয়োটা প্ৰিপেইড প্লেনতে গ্ৰাহকে কলিঙৰ সুবিধাৰ লগতে লাভ কৰিব ৩জিবি ডাটা।
ইয়াৰ আগেয়ে কোম্পানীটোৱে ৫৯৯টকীয়া প্ৰিপেইড প্লেনটো মুকলি কৰিছিল।
কোম্পানীটোৱে জানিবলৈ দিয়া মতে, ৯৪ আৰু ৯৫টকীয়া দুয়োটা প্ৰিপেইড প্লেনতে ৩জিবি ডাটাৰ লগতে কল কৰাৰ বাবে ১০০ মিনিট আগবঢ়োৱা হৈছে।
তদুপৰি, গ্ৰাহকক ৰোমিঙৰ সুবিধাও দিয়া হৈছে। দুয়োটা প্লেনৰে ম্যাদ ৯০দিনৰ বাবে থাকিব।
আনহাতে, ৯৪টকীয়া প্লেনটোৰ গ্ৰাহকে ফ্ৰী-কলিং মিনিট সমাপপ্ত হোৱাৰ পাছত লোকেল কলৰ বাবে প্ৰতি মিনিটত এটকা আৰু এছটিডি কলৰ বাবে প্ৰতি মিনিটত ১.৩টকা চাৰ্জ দিব লাগিব।
সেইদৰে ৯৫টকীয়া প্লেনত লোকেল কলৰ বাবে প্ৰতি মিনিটত ০.০২টকা আৰু এছটিডি কলৰ বাবে প্ৰতি মিনিটত ০.০২৪টকা চাৰ্জ দিব লাগিব।
ইপিনে, দুয়োটা ৰিচাৰ্জ প্লেনতে গ্ৰাহকে ৬০ দিনৰ বাবে বিনামূলীয়া কলাৰ টিউনৰ সুবিধা লাভ কৰিব।
উল্লেখ্য যে কোম্পানীটোৱে এই সেৱাৰ বাবে য়ুজাৰৰ পৰা প্ৰতিমাহে ৩০টকা ছাবস্ক্ৰিপশ্যন চাৰ্জ হিচাপে আদায় কৰে।