কেন্দ্ৰীয় আইন মন্ত্ৰীৰ পদৰ পৰা আঁতৰোৱা হ’ল কিৰেণ ৰিজিজুক কিন্তু কিয়?
অৰুণাচল প্ৰদেশৰ সাংসদ তথা কেন্দ্ৰীয় মন্ত্ৰী কিৰেণ ৰিজিজুক আঁতৰাই দিয়া হ’ল কেন্দ্ৰীয় আইন মন্ত্ৰীৰ দায়িত্বৰ পৰা। কিৰেণ ৰিজিজুৰ সলনি ৰাম মেঘৱালক ভাৰতৰ নতুন আইন মন্ত্ৰী হিচাপে নিযুক্তি দিছে কেন্দ্ৰীয় চৰকাৰে।
মেঘৱালে আইন আৰু ন্যায় মন্ত্ৰালয়ৰ উপৰিও ৰিজিজুৰ বৰ্তমানৰ পৰ্টফলিঅ’ও লাভ কৰিব।
লগতে পঢ়কঃ ডিজেলত ৩০ আৰ পেট্ৰলত ১২ টকাকৈ মূল্য হ্ৰাস – ৰাইজক সকাহ দিবলৈ চৰকাৰৰ ডাঙৰ ঘোষণা
ৰাষ্ট্ৰপতি ভৱনে জাৰি কৰা এক বিবৃতিত কোৱা হৈছে যে প্ৰধানমন্ত্ৰী নৰেন্দ্ৰ মোডীৰ পৰামৰ্শ অনুসৰি ৰাষ্ট্ৰপতি দ্ৰৌপদী মুৰ্মুৱে কেন্দ্ৰীয় মন্ত্ৰী পৰিষদৰ মন্ত্ৰীসকলৰ মাজত পৰ্টফলিঅ’ পুনৰ আবণ্টন দিছে।
ৰাষ্ট্ৰপতি ভৱনৰ পৰা প্ৰকাশিত এক প্ৰেছ বিজ্ঞপ্তিত কোৱা হৈছে , “ শ্ৰী কিৰেণ ৰিজিজুৰ ঠাইত ৰাজ্যিক মন্ত্ৰী শ্ৰী অৰ্জুন ৰাম মেঘৱালক তেওঁৰ বৰ্তমানৰ পৰ্টফলিঅ’ৰ উপৰিও আইন আৰু ন্যায় মন্ত্ৰালয়ত ৰাজ্যিক মন্ত্ৰী হিচাপে স্বতন্ত্ৰ দায়িত্ব নিযুক্তি দিয়া হওক।”
ইয়াত কোৱা হৈছে যে ইয়াৰ সলনি ভূ-বিজ্ঞান মন্ত্ৰালয়ৰ দায়িত্ব শ্ৰী কিৰেন ৰিজিজুৰ হাতত অৰ্পণ কৰা হ’ব।
উল্লেখ্য যে ইয়াৰ পূৰ্বে কেন্দ্ৰীয় মন্ত্ৰী জিতেন্দ্ৰ সিং ভূ-বিজ্ঞান মন্ত্ৰালয়ৰ দায়িত্বত আছিল।
২০২১ চনৰ ৮ জুলাইত ৰিজিজুৱে আইন আৰু ন্যায় মন্ত্ৰীৰ দায়িত্ব গ্ৰহণ কৰে।ইয়াৰ পূৰ্বে ২০১৯ চনৰ মে’ৰ পৰা ২০২১ চনৰ জুলাইলৈকে যুৱ পৰিক্ৰমা আৰু ক্ৰীড়া বিভাগৰ ৰাজ্যিক মন্ত্ৰী হিচাপে কাৰ্যনিৰ্বাহ কৰিছিল।
লগতে পঢ়কঃ হত্যাৰ বলি হৈছিল নেকি জোনমণি! প্ৰত্যক্ষদৰ্শীৰ ভাষ্যই দিছে নতুন ইংগিত
