ভাৰতৰ নিয়ন্ত্ৰক আৰু অডিটৰ জেনেৰেলে (কেগ) অসমত ৰাষ্ট্ৰীয় নাগৰিকপঞ্জী (এনআৰচি) উন্নীতকৰণ প্ৰক্ৰিয়াত ব্যাপক বিসংগতি ধৰা পেলাইছে। শনিবাৰে অসম বিধানসভাত দাখিল কৰা ২০২০ বৰ্ষৰ বাবে কেগৰ প্ৰতিবেদনত কোৱা হৈছে যে সঠিক পৰিকল্পনাৰ অভাৱৰ বাবে মূল ছফ্টৱেৰত প্ৰায় ২১৫ টা ছফ্টৱেৰ ইউটিলিটি বিশৃংখলভাৱে যোগ দিয়া হৈছিল।
কেগৰ প্ৰতিবেদনত কোৱা হৈছে, “এই ক্ষেত্ৰত সঠিক পৰিকল্পনাৰ অভাৱৰ বাবে মূল ছফ্টৱেৰত ২১৫ টা ছফ্টৱেৰ ইউটিলিটি বিশৃংখলভাৱে (haphazard manner) যোগ কৰা হৈছিল। ৰাষ্ট্ৰীয় নিবিদা অনুসৰণ কৰি যোগ্যতা মূল্যায়নৰ জৰিয়তে ছফ্টৱেৰ বিকাশ বা বিক্ৰেতা বাছনিৰ যথাযথ প্ৰক্ৰিয়া অনুসৰণ নকৰাকৈ এইটো কৰা হৈছিল।”
ইয়াত কোৱা হৈছে যে এনআৰচি আপডেট অনুশীলনত অত্যন্ত সুৰক্ষিত আৰু নিৰ্ভৰযোগ্য ছফ্টৱেৰৰ প্ৰয়োজন।
লগতে পঢ়ক: আত্মহত্যা! শ্বুটিং ছেটতে মৃত্যু জনপ্ৰিয় অভিনেত্ৰীৰ; ৱাশ্বৰুমৰ পৰা উদ্ধাৰ মৃতদেহ
কেগৰ প্ৰতিবেদনত কোৱা হৈছে যে এনআৰচি তথ্য সংগ্ৰহ আৰু সংশোধনৰ বাবে ছফ্টৱেৰ আৰু ইউটিলিটিৰ বিশৃংখল বিকাশে কোনো নিৰীক্ষণ পথ (অডিট ট্ৰেইল) এৰি নোযোৱাকৈ ডাটা টেম্পাৰিং হোৱাৰ আশংকা সৃষ্টি কৰিছে।
প্ৰতিবেদনত কোৱা হৈছে যে অডিট ট্ৰেইলে এনআৰচি তথ্যৰ সত্যতাৰ বাবে দায়বদ্ধতা নিশ্চিত কৰিব পাৰিলেহেঁতেন। সেয়েহে, বৈধ ত্ৰুটিমুক্ত এনআৰচি প্ৰস্তুত কৰাৰ উদ্দেশ্য এতিয়াও পূৰণ হোৱা নাই।
কেগৰ প্ৰতিবেদনত লগতে উল্লেখ কৰা হৈছে যে সময় অতিৰিক্ত বাঢ়ি যোৱাৰ বাবে আৰম্ভণিতে ধাৰণা কৰা এনআৰচি প্ৰকল্পৰ ব্যয় ২৮৮.১৮ কোটি টকাৰ পৰা ১৬০২.৬৬ কোটি টকালৈ বৃদ্ধি পাইছে।
এন আৰ চিৰ প্ৰাক্তন সমন্বয়ক হিতেশ দেৱ শৰ্মাই তেওঁৰ পূৰ্বসূৰী প্ৰতীক হাজেলাৰ দ্বাৰা দুৰ্নীতি আৰু ধন ৰপ্তানিৰ বিষয়ে অভিযোগ কৰি ৰাজ্য চৰকাৰৰ তদাৰকী আৰু দুৰ্নীতি বিৰোধী শাখাৰ ওচৰত এখন এজাহাৰ দাখিল কৰিছিল।
লগতে পঢ়ক: ক্ষান্ত হোৱা নাই পুটিন! খেৰচনত ৰাছিয়াৰ বিমান আক্ৰমণত নিহত ১০ জন
এনআৰচি হৈছে অবৈধ অনুপ্ৰৱেশকাৰীসকলক আঁতৰোৱাৰ এক অনুশীলন। ভাৰতীয় নাগৰিকত্ব প্ৰতিষ্ঠা কৰাৰ বাবে পৰ্যাপ্ত নথিপত্ৰৰ অভাৱৰ বাবে ৩.৩০ কোটি আবেদনৰ ভিতৰত ১৯.০৬ লাখ বাদ দি ২০১৮ ৰ জুলাইত খচৰা তালিকাখন প্ৰকাশ কৰা হৈছিল।
অসমত ১৯৭১ চনৰ ২৫ মাৰ্চৰ আগতে ভাৰতত প্ৰৱেশ কৰা সকলে এনআৰচিৰ জৰিয়তে তেওঁলোকৰ নাগৰিকত্ব প্ৰমাণ কৰিব লগা হৈছিল।
