ভাৰতীয় বেগী বলাৰ ঈশান্ত শৰ্মাই ২০১৪ত লৰ্ডছত ৭টা উইকেট দখল কৰা আৰু ২০১৯ৰ নবেম্বৰত খেলা দিবা-নৈশ টেষ্ট মেচখনৰ তুলনা নহয় বুলি মন্তব্য কৰিছে।
ঈশান্তে ২০১৪ৰ লৰ্ডছ টেষ্টত সাতটা উইকেট দখল কৰাৰ বিপৰীতে যোৱা বছৰ ইডেন গাৰ্ডেনত বাংলাদেশৰ বিৰুদ্ধে খেলা দিবা-নৈশ টেষ্টখনতো পাঁচটা উইকেট দখল কৰিছিল।
সুদীৰ্ঘ ১২ বছৰৰ মূৰত ঘৰৰ মাটিত পাঁচটা উইকেট দখল কৰিবলৈ সক্ষম হৈছিল ঈশান্ত।
আই পি এলত দিল্লী ডেয়াৰ ডেভিলছৰ হৈ চুক্তিবদ্ধ হৈ আছে ঈশান্ত শৰ্মা। দিল্লীৰ দলে এটা ভিডিঅ’ প’ষ্ট শ্বেয়াৰ কৰিছে য’ত ঈশান্তে কয়, ‘দুয়োখন টেষ্ট মেচ মোৰ বাবে চিৰস্মৰণীয়। লৰ্ডছত দখল কৰা সাতটা উইকেট নিশ্চিত ৰূপত এঠা এনে মুহূৰ্ত, যিটো মই পাহৰিব নোৱাৰো’।
তেও লগতে কয়, ‘গোলপীয়া বলেৰে লোৱা পাঁচটা উইকেটো মোৰ বাবে স্মৰণীয় কিয়নো ১২ বচছৰৰ মূৰত মই ঘৰৰ মাটিত পাঁচটা উইকেট লাভ কৰিছিলো’।
উল্লেখ্য যে ঈশান্তৰ বিধ্বংসী বলিঙৰ বাবেই ২০১৪ৰ লৰ্ডছ টেষ্টত ভাৰতে ঐতিহাসিক বিজয় সাব্যস্ত কৰিছিল। লৰ্ডছত এয়া আছিল ২৮ বছৰৰ মূৰত জয়।
ইফালে যোৱা বছৰ ভাৰতে প্ৰথমবাৰৰ বাবে অংশ লোৱা দিবা-নৈশ টেষ্টত ঈশান্তে ২২ ৰান খৰচ কৰি পাঁচটা উইকেট লাভ কৰিছিল। ইয়াৰ পূৰ্বে ঘৰৰ মাটিত পাঁচটা উইকেট দখল কৰিছিল ২০০৭ চনত।
