বাৰিষাৰ লগে লগে জাপানীজ এনকেফেলাইটছকে ধৰি বিভিন্ন প্ৰকাৰৰ বায়ুৰ পৰা হোৱা বেমাৰৰ প্ৰাদুৰ্ভাৱ এতিয়া ডিব্ৰুগড় জিলা প্ৰসাশনৰ বাবে চিন্তা কাৰণ হৈ পৰিছে। ইতিমধ্যে জিলাখনত জাপানীজ এনকেফেলাইটিছৰ ফলত দুজনকৈ লোকে প্ৰাণ হেৰুৱাব লগা হৈছে।
ডিব্ৰুগড় জিলাৰ যুটীয়া স্বাস্থ্য সঞ্চালক উদয়ন কুমাৰ বৰুৱাই নৰ্থ-ইষ্ট নাওৰ সাংবাদিকৰ আগত কয় যে এইপৰ্যন্ত জাপানীজ এনকেফেলাইটিছৰ ৩টা ঘটনা নিশ্চিত কৰা হৈছে, দুজনে ইতিমধ্যে প্ৰাণ হেৰুৱাইছে। ইয়াৰ উপৰি আন ২০জন লোকৰ গাত একিয়ুট এনকেফেলাইটিছ ছিনড্ৰম (এ ই এছ) ধৰা পৰিছে আৰু তেওঁলোকক চিকিৎসা কৰি থকা হৈছে, তেওঁ জনায়।
আনহাতে জিলা প্ৰশাসনৰ ফালৰ পৰা এই সম্পৰ্কত সকলোধৰণৰ সতৰ্কতা অৱলম্বন কৰা হৈছে বুলি স্বাস্থ্য বিভাগৰ এগৰাকী বিষয়াই সদৰী কৰে।