কেন্দ্ৰীয় প্ৰত্যক্ষ কৰ বোৰ্ড (চিবিডিটি)য়ে জানিবলৈ দিছে যে নতুন 26AS ফৰ্মৰ জৰিয়তে আয়কৰদাতাসকলে অধিক সহজ তথা সঠিকভাৱে তেওঁলোকৰ আয়কৰ ৰিটাৰ্ণ দাখিল কৰিব পাৰিব।
চলিত বিত্তীয় বৰ্ষৰ পৰা আয়কৰদাতাসকলৰ বাবে নতুন 26AS ফৰ্ম থাকিব য’ত কৰদাতাসকলৰ বিত্তীয় লেনদেনৰ অতিৰিক্ত তথ্য থাকিব আৰু যিবোৰৰ বিভিন্ন কেটেগুৰিৰ বিত্তীয় লেনদেনত (এছএফটি) উল্লেখ থাকিব।
আয়কৰ বিভাগৰ দ্বাৰা এই এছএফটিৰ পৰা পোৱা তথ্য 26AS ফৰ্মৰ খণ্ড ই’ত দেখুওৱা হৈছে।
চিটিডিটিৰ মুখপাত্ৰই কয়,’’ইয়াৰ দ্বাৰা কৰদাতাই নিজৰ কৰ সঠিক ৰূপত চাব পাৰিব আৰু তেওঁলোকে আশ্বস্ত হ’ব। ইয়াৰ ফলত কৰ প্ৰশাসনত পাৰদৰ্শিতা অহাৰ লগতে জবাবদিহিও বৃদ্ধি পাব।‘’
পূৰ্বতে 26AS ফৰ্মত কোনো পান কাৰ্ডৰ সৈতে জড়িত টিডিএছ তথা টিচিএছৰ তথ্যৰ উপৰি কিছুমান আন কৰ বিষয়ক নিৰ্দেশনা আছিল।
কিন্তু এতিয়া ইয়াত এছএফটি থাকিব, যাতে কৰদাতাসকলে সকলো শকত বিত্তীয় লেনদেন মনত ৰখাত সহায়ক হয় আৰু কৰ দাখিল কৰাত সহজ হ’ব।
আয়কৰ বিভাগে নগদ ধন জমা, নগদ উলিওৱা, স্থাৱৰ-অস্থাৱৰ সম্পত্তি বিক্ৰী, ক্ৰেডিট কাৰ্ড পেমেন্ট, শ্বেয়াৰ ক্ৰয়, মিউচ্যুৱেল ফাণ্ডছ, সামগ্ৰী আৰু সেৱাৰ বাবে নগদ পেমেন্ট আদিৰ তথ্য বেংক, মিউচ্যুৱেল ফাণ্ডছ, বণ্ড জাৰি কৰা সংস্থা,ৰেজিষ্টাৰ আদিৰ পৰা অধিক মূল্যৰ বিত্তীয় লেনদেনৰ তথ্য ২০১৬চনৰ পৰা লাভ কৰিছে।
এতিয়া এই সকলো তথ্য 26AS ফৰ্মত দেখা পোৱা যাব।
আনহাতে, 26AS ফৰ্মৰ ই’ খণ্ডত লেনদেনৰ ধৰণ, এছএফটি জমাকাৰৰ নাম, লেনদেনৰ তাৰিখ, পৰিমান, আদায় দিয়াৰ ধৰণ আদিৰ সম্পূৰ্ণ তথ্য সন্নিৱিষ্ট থাকিব।
চিটিডিটিৰ মুখপাত্ৰই কয় যে ইয়াৰ দ্বাৰা সৎ কৰদাতাসকলৰ ৰিটাৰ্ণ দাখিলত সহজ হ’ব আৰু যিসকলে ৰিটাৰ্ণ দাখিল কৰাৰ সময়ত তথ্য গোপন কৰে তাক ৰোধ কৰিব পৰা যাব।
