শ্বাহৰুখ খানৰ পুত্ৰ আৰিয়ান খানক প্ৰমোদতৰীৰ পৰা ড্ৰাগছৰ গোচৰত আই আৰ এছ বিষয়া সমীৰ ৱাংখেড়ে গ্ৰেপ্তাৰ কৰে। ৰাতিটোৰ ভিতৰতে সমগ্ৰ দেশে এই এন চি বি বিষয়াগৰাকীৰ বিষয়ে গম পাই গ’ল। সেই সময়ত বহুতে তেওঁৰ সাহসৰ প্ৰশংসা কৰিছিল যদিও এতিয়া পোহৰলৈ আহিছে এক নতুন তথ্য।
এইগৰাকী বিষয়াৰ বিৰুদ্ধে চিবিআইয়ে নতুনকৈ গোচৰ ৰুজু কৰিছে। আৰিয়ান খান ড্ৰাগছ গোচৰত শ্বাহৰুখৰ পৰা ২৫ কোটি টকা দাবী কৰা বুলি সমীৰ ৱাংখেড়েৰ বিৰুদ্ধে অভিযোগ উঠিছে।
লগতে পঢ়ক: Karnataka Election Result 2023: পুৱাই ১০০তকৈয়ো অধিক আসনত অগ্ৰগতি! কংগ্ৰেছত আনন্দৰ লহৰ
২০২১ চনত প্ৰমোদতৰীত ৰেভ পাৰ্টিৰ পৰা আৰিয়ান খানক গ্ৰেপ্তাৰ কৰা হৈছিল। সেই সময়ত সমীৰে আৰিয়ানক সহায় কৰাৰ নামত ২৫ কোটি টকা বিচাৰে। এই গোচৰত সমীৰৰ মুম্বাই, দিল্লী আৰু কানপুৰৰ ২৯টা ঘৰত তালাচী চলোৱাৰ পৰিকল্পনাও সন্মুখলৈ আনে। সমীৰৰ বাহিৰেও এই ঘটনাৰ সৈতে জড়িত এনচিবিৰ দুজন প্ৰাক্তন বিষয়া।
জানিব পৰা মতে, ইতিমধ্যে একাংশ বেচৰকাৰী কৰ্মীয়ে আৰিয়ানক সহায় কৰাৰ নামত ২৫ লাখ টকা লৈছে আৰু ঘোচ হিচাপে ২৫ কোটি টকা দাবী কৰিছিল।
সমীৰ ৱাংখেড়ে নাৰ্কটিকছ কন্ট্ৰ’ল ব্যুৰোৰ মুম্বাই জ’নৰ মুৰব্বী হিচাপে কাৰ্যনিৰ্বাহ কৰিছে। আৰিয়ান খানক গ্ৰেপ্তাৰ হোৱাৰ পিছত তেওঁ শিৰোনামলৈ আহে। ইয়াৰ পিছত ইটোৰ পিছত সিটো বিতৰ্কত তেওঁৰ নাম জড়িত হৈ পৰিল। এন চি বিৰ কাৰ্যকালত সমীৰে কেইবাটাও অভিযোগৰ সন্মুখীন হৈছিল। এনচিবিয়েও কেইবাটাও গোচৰৰ তদন্ত কৰিছে।
লগতে পঢ়ক: গুৱাহাটী মহানগৰীত নাহৰফুটুকীৰ আক্ৰমণত আহত দুজন
শেহতীয়াকৈ এনচিবিৰ বিশেষ তদন্তকাৰী দলে আৰিয়ান খানৰ গোচৰৰ পুনৰ তদন্ত কৰি নতুনকৈ অভিযোগনামা দাখিল কৰে। সেই অভিযোগ পত্ৰৰ ভিত্তিত এন চি বিয়ে আৰিয়ান খানকে ধৰি সেই গোচৰত গ্ৰেপ্তাৰ হোৱা ১৪ জনৰ ভিতৰত ৬ জনক ক্লিনচিট দিছিল। প্ৰমাণৰ অভাৱত আৰিয়ানক দোষমুক্ত কৰা হৈছে বুলি নাৰ্কটিকছ কন্ট্ৰ’ল ব্যুৰ’ই জানিবলৈ দিয়ে।
