বলিউডৰ অভিনেতা সুশান্ত সিং ৰাজপুতৰ আত্মহত্যাৰ ঘটনাই নিতৌ নতুন মোৰ লোৱাৰ সময়তে কেন্দ্ৰীয় তদন্তকাৰী সংস্থা চিবিআই-এ আজি সুশান্তৰ প্ৰেমিকা ৰিয়া চক্ৰৱৰ্তীক ৯ ঘণ্টা ধৰি একেৰাহে জেৰা কৰে।
সুশান্তৰ পৰিয়ালৰ লোকৰ লগতে অভিনেতা গৰাকীৰ একাংশ ঘনিষ্ঠ লোকৰ মতে সুশান্তক হত্যা কৰা হৈছিল আৰু এই হত্যাত সুশান্তৰ প্ৰেমিকা ৰিয়া চক্ৰৱৰ্তীও সন্দেহৰ বাহিৰত নহয়।
চিবিআই-এ আজি ৰিয়া চক্ৰৱৰ্তীক জেৰাৰ সময়ত ১০ টা বিশেষ প্ৰশ্ন সোধে।
সেই প্ৰশ্ন কেইটা আছিল এনে ধৰণৰ—
১.আপোনাক কোনে প্ৰথমে সুশান্তৰ মৃত্যুৰ খবৰ দিছিল?আপুনি তেতিয়া ক’ত আছিল?
২.মৃত্যুৰ খবৰ পোৱাৰ পিছতে তেওঁ সুশান্তৰ বান্দ্ৰাৰ ঘৰলৈ গৈছিল নে? যদি যোৱা নাছিল তেন্তে তেওঁ ক’ত ,কেতিয়া সুশান্তৰ মৃতদেঙ দেখিছিল?
৩.৮ জুনৰ দিনা তেওঁ সুশান্তৰ ঘৰ কিয় এৰি আহিছিল?
৪.সুশান্তৰ সৈতে কাজিয়া কৰি তেওং সুশান্তৰ ঘৰৰ পৰা ওলাই গৈছিল নেকি?
৫.সুশান্তৰ ঘৰ এৰি যোৱাৰ পিছত ৰিয়াই সুশান্তৰ সৈতে ৯জুনৰ পৰা ১৪ জুনৰ ভিতৰত কোনো যোগাযোগ কৰিছিল নে?যদি কৰিছিল কি বিষয়ক লৈ কৰিছিল আৰু যদি কৰা নাছিল কিয় কৰা নাছিল?
৬.সেই দিনবোৰত সুশান্তই ৰিয়াৰ লগত যোগাযোগ কৰিছিল নে?ৰিয়াই সুশান্তৰ ফোন কল অৱজ্ঞা কৰিছিল নেকি?যদি কৰিছিল কিয় কৰিছিল?সুশান্তক কিয় ৰিয়াই ব্ল’ক কৰিছিল?
৭.সুশান্তই ৰিয়াৰ কোনো পৰিয়ালৰ সদস্যক সাক্ষাৎ কৰাৰ চেষ্টা কৰিছিল নেকি?এই বিষয়ত কেনে ধৰণৰ যোগাযোগত সফল হৈছিল সুশান্ত?
৮.সুশান্তৰ স্বাস্থ্য সম্পৰ্কীয় তথ্য , গ্ৰহণ কৰি থকা চিকিৎসা,দৰৱ,চিকিৎসকৰ নাম-ঠিকনা আদি যাৰ বিষয়ে ৰিয়া অৱগত আছিল সেই বিষয়ে ৰিয়াই কি কয়?
৯.সুশান্তৰ পৰিয়ালৰ সৈতে ৰিয়াৰ সম্পৰ্ক কেনে?
১০.ৰিয়াই কিয় সুশান্তৰ মৃত্যুৰ চিবিআই তদন্ত বিচাৰিছিল?ক’ৰৱাত তেওঁ ভুল কৰা বুলি ভাবে নেকি?
ৰিয়া চক্ৰৱৰ্তীয়ে দিয়া উত্তৰ সমূহ আজি চিবিআইৰ তদন্তকাৰী বিষয়া নুপুৰ প্ৰসাদে লিপিৱদ্ধ কৰে।ৰিয়াক পুনৰ চিবিআই-এ জেৰা চলাব।
