Maternity Leave: মৃত সন্তান প্ৰসৱ বা জন্মৰ পিছত শিশুৰ মৃত্যু হ’লেও কেন্দ্ৰীয় চৰকাৰৰ মহিলা কৰ্মচাৰীয়ে পাব ৬০ দিনৰ ছুটী

Maternity leave কেন্দ্ৰীয় চৰকাৰৰ মহিলা কৰ্মচাৰীসকলে মৃত সন্তান জন্ম দিলে বা জন্মৰ কেইদিনমানৰ ভিতৰতে নৱজাতকৰ মৃত্যু হ’লেও ৬০ দিনৰ মাতৃত্বকালীন ছুটি লাভ কৰিব। কৰ্মচাৰী আৰু প্ৰশিক্ষণ মন্ত্ৰালয়ে (ডিঅ’পিটি) শুকুৰবাৰে এই কথা জানিলৈ দিয়ে। কোৱা হৈছে যে মৃত সন্তান জন্ম দিয়াৰ পিছত এগৰাকী মাতৃয়ে এক অসম্ভৱ মানসিক যন্ত্ৰণাৰ মাজেৰে সময় কটাবলগীয়া হয়। সেই বিষয়ে চিন্তা কৰিয়েই এটা দৰমহাসহ ছুটী আগবঢ়োৱা হৈছে।

ডিঅ’পিটি-ৰ মতে, দীৰ্ঘদিন ধৰি এই সন্দৰ্ভত আবেদন দাখিল কৰা হৈ আহিছে। বহুতো মহিলা কৰ্মচাৰীয়ে জানিব বিচাৰিছিল যে যদি নৱজাতকৰ মৃত্যু হয় বা মৃত সন্তান জন্ম দিয়ে তেন্তে তেওঁলোকে মাতৃত্বকালীন ছুটি পাব নে নাই।

লগতে পঢ়ক: ড্ৰাগছ প্ৰচলন বন্ধৰ দাবীত বৰডুমচা আৰক্ষী থানা ঘেৰাও, উত্তাল থানা চৌহদ

শুকুৰবাৰে নিৰ্দেশনা দি কোৱা হৈছে, “কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ে এই কথা বিবেচনা কৰি আছিল। মৃত সন্তান জন্ম দিয়া বা জন্মৰ কেইদিনমানৰ ভিতৰতে যদি শিশুটোৰ মৃত্যু হয়, ই মাতৃৰ ওপৰত দীৰ্ঘকালীন প্ৰভাৱ পেলায়। সেইকাৰণে কেন্দ্ৰীয় চৰকাৰৰ মহিলা কৰ্মচাৰীসকলক ৬০ দিনৰ ছুটি দিয়াৰ সিদ্ধান্ত লোৱা হৈছে।‘’

শিশুটোৰ মৃত্যুৰ দিনৰ পৰা বা মৃত শিশুৰ প্ৰসৱৰ দিনৰ পৰা 60 দিনৰ ছুটিৰ ম্যাদ আৰম্ভ হ’ব। যদি জন্মৰ কেইদিনমান পিছত নৱজাতকৰ মৃত্যু হয়, তেন্তে মাতৃৰ ছুটিৰ ম্যাদ ২৮ দিনলৈ বৃদ্ধি কৰিব পৰা যাব।

অৱশ্যে এই ছুটীটো কেৱল সেই মহিলা কৰ্মচাৰীসকলৰ বাবেহে উপলব্ধ হ’ব যাৰ দুটাতকৈ কম সন্তান আছে। তদুপৰি, শিশুটো চৰকাৰী বা চৰকাৰী অনুমোদিত ব্যক্তিগত চিকিৎসালয়ত জন্ম হ’ব লাগিব।

লগতে পঢ়ক: চীনত কমিছে বিবাহৰ সংখ্যা, জনসংখ্যাৰ মন্থৰ গতিৰ বৃদ্ধিত চিন্তিত বেইজিং

বহুসময়ত বহুতেই জৰুৰীকালীন প্ৰয়োজনীয়তাৰ বাবে চৰকাৰী অনুমোদিত নোহোৱা ব্যক্তিগত চিকিৎসালয়ত সন্তান জন্ম দিবলৈ বাধ্য হয়। তেনে ক্ষেত্ৰত মাতৃত্বকালীন ছুটি বিচাৰিলে জৰুৰীকালীন প্ৰমাণপত্ৰ দাখিল কৰিব লাগিব।