Gotabaya Rajapaksa returns to Sri Lanka দেশৰ জনসাধাৰণৰ প্ৰবল বিক্ষোভৰ সন্মুখীন হৈ দেশ এৰি পলায়ন কৰা শ্ৰীলংকাৰ অপসাৰিত ৰাষ্ট্ৰপতি গোটাবায়া ৰাজপাক্ষে স্বদেশলৈ উভতি আহিছে। বিমানবন্দৰৰ বিষয়াসকলে শুকুৰবাৰে এই তথ্য নিশ্চিত কৰিছে।
গুৰুতৰ অৰ্থনৈতিক সংকটৰ বাবে গোটাবায়া ৰাজপাক্ষে সাত সপ্তাহ পূৰ্বে শ্ৰীলংকা ত্যাগ কৰিছিল। তেওঁ এখন সামৰিক বিমানত মালদ্বীপলৈ পলাই গৈছিল। তাৰ পৰা তেওঁ ছিংগাপুৰলৈ গৈ পদত্যাগ পত্ৰ প্ৰেৰণ কৰিছিল। তেওঁ শেষবাৰৰ বাবে ছিংগাপুৰৰ পৰা থাইলেণ্ডত গৈ আছিল।
৭৩ বছৰীয়া ৰাজপাক্ষে শুকুৰবাৰে বাণিজ্যিক বিমানেৰে থাইলেণ্ডৰ পৰা ছিংগাপুৰ হৈ শ্ৰীলংকাত অৱতৰণ কৰে। ইয়াৰ ফলত তেওঁৰ ৫২ দিনীয়া স্ব-নিৰ্বাসনৰ সমাপ্তি ঘটিল।
লগতে পঢ়ক: ড্ৰাগছ প্ৰচলন বন্ধৰ দাবীত বৰডুমচা আৰক্ষী থানা ঘেৰাও, উত্তাল থানা চৌহদ
বাতৰি অনুসৰি দেশৰ মুখ্য বিমানবন্দৰত ভৰি থোৱাৰ পিছত মন্ত্ৰীগোটৰ এটা দলে গোটাবায়াক ফুলেৰে অভিবাদন জনায়। এই ঘটনা দ্বীপৰাষ্ট্ৰখনত গোটাবায়া ৰাজপাক্ষেৰ অপৰিসীম প্ৰভাৱৰ এক উদাহৰণ। অৱশ্যে সমালোচকসকলে শ্ৰীলংকাৰ অৰ্থনৈতিক দুৰ্দশাৰ বাবে তেওঁকেই দোষাৰোপ কৰিছে।
বিমানবন্দৰৰ এজন বিষয়াই সংবাদ মাধ্যমক জনায় যে গোটাবায়া ৰাজপাক্ষে বিমানবন্দৰত উপস্থিত হোৱাৰ বাতৰিৰ পিছতে তেওঁক ফুলৰ মালাৰে আদৰণি জনাবলৈ চৰকাৰপন্থী ৰাজনীতিবিদসকলৰ মাজত হেতাওপৰা লাগে।
শ্ৰীলংকাৰ এজন প্ৰতিৰক্ষা বিষয়াৰ উদ্ধৃতিৰে বাতৰিত কোৱা হৈছে যে গোটাবায়া ৰাজপাক্ষে থাইলেণ্ডৰ এখন হোটেলত কাৰাবন্দীৰ দৰে সময় পাৰ কৰিছিল। তেওঁ দেশলৈ উভতি আহিবলৈ আগ্ৰহী আছিল। স্বদেশলৈ উভতি অহাৰ লগে লগে তেওঁৰ বাবে এটা নতুন নিৰাপত্তা বিভাগ মুকলি কৰা হৈছে। ইয়াত সেনা আৰু আৰক্ষী কৰ্মী ৰখা হৈছে।
ইপিনে, শ্ৰীলংকাৰ বিৰোধী ৰাজনীতিকসকলে বৰ্তমানৰ ৰাষ্ট্ৰপতি ৰনিল বিক্ৰমসিংহেই শক্তিশালী ৰাজপাক্ষে পৰিয়ালক সুৰক্ষা দিয়াৰ অভিযোগ উত্থাপন কৰিছে।
