Defer NEET-SS exam: কেন্দ্ৰীয় চৰকাৰে বিতৰ্কৰ মাজতে National entrance eligibility examination (NEET)পৰীক্ষা পিছুৱাই দিলে। চিকিৎসকসকলৰ ছুপাৰ স্পেছিয়েলিটি বিভাগৰ পাঠ্যক্ৰমৰ বাবে নৱেম্বৰ মাহত এই পৰীক্ষা অনুষ্ঠিত হোৱাৰ কথা আছিল।
ইপিনে, এই পৰীক্ষাৰ পদ্ধতি সলনি কৰা বুলি পৰীক্ষা কৰ্তৃপক্ষৰ পৰা জনোৱাৰ পাছত ইয়াৰ বিৰুদ্ধে চিকিৎসকসকলে প্ৰত্যাহ্বান জনাই আদালতৰ কাষ চাপিছিল।
চিকিৎসকসকলে পৰীক্ষাৰ পূৰ্বে পেটাৰ্ণ সলনিৰ যথাযোগ্যতাৰ ওপৰত আদালতত প্ৰশ্ন উত্থাপন কৰিছিল। তাৰপাছত কেন্দ্ৰ অলপ হ’লেও পিছুৱাই আহিল।
সোমবাৰে আদালতত শপতনামা দাখিল কৰি কেন্দ্ৰীয় চৰকাৰে এই পৰীক্ষা দুমাহ পিছুৱাই ১০ আৰু ১১ জানুৱাৰীত অনুষ্ঠিত কৰাৰ সিদ্ধান্তৰ কথা জানিবলৈ দিয়ে।
চিকিৎকসকলে নতুন পেটাৰ্ণত পৰীক্ষা দিয়াৰ বাবে যাতে নিজকে প্ৰস্তুত কৰাৰ যথেষ্ট সময় লাভ কৰে তাৰবাবেই পৰীক্ষা পিছুৱাই দিয়াৰ সিদ্ধান্ত লোৱা বুলি জনাইছে।
Also Read: লিডুত সাধাৰণ শুকান মাছৰ ব্যৱসায়ীৰ বাসগৃহত জব্দ ৪৭ লাখ ৫০ হাজাৰ টকা
উল্লেখ্য যো অহা ১৩ আৰু ১৪ নৱেম্বৰত পৰীক্ষা হোৱাৰ কথা আছিল যদিও ৪১গৰাকী প’ষ্ট গ্ৰেজুৱেট চিকিৎসকে শেষ মুহূৰ্তত পৰীক্ষাৰ পেটাৰ্ণ সলনি কৰাৰ বিষয়ে আপত্তি দৰ্শাই আদালতৰ কাষ চাপিছিল।
বিষয়টোত নিজৰ চিন্তা ব্যক্ত কৰি আদালতেও প্ৰশ্ন উত্থাপন কৰি এই বছৰ পূৰ্বৰ পেটাৰ্ণ অনুসৰি পৰীক্ষা অনুষ্ঠিত কৰাৰ বাবে বিবেচনা কৰিবলৈ কেন্দ্ৰক জনাইছিল।
আদালতৰ পৰ্যবেক্ষণৰ পাছতে কেন্দ্ৰই বিষয়টোৰ ওপৰত বিগত সপ্তাহত বৈঠক অনুষ্ঠিত কৰি পৰীক্ষা পিছুৱাই দিয়াৰ সিদ্ধান্ত গ্ৰহণ কৰে আৰু এই বিষয়ে আদালতত শপতনামা দাখিল কৰে।
