ভাৰতীয় মহাকাশ গৱেষণা সংস্থা চমুকৈ ইছৰোৰ চন্দ্ৰযান-২ য়ে মহাকাশ সম্পৰ্কীয় অজ্ঞাত তথ্য প্ৰকাশ কৰিছে। ইয়াত সৌৰ ধুমুহা আৰু সূৰ্য্যৰ ক’ৰ’নেল মাছ ইজেকচন (CME) য়ে চন্দ্ৰৰ বাহিৰৰ স্তৰত কেনে প্ৰভাৱ পেলায় তাৰ পৰ্যবেক্ষণৰ ওপৰত আলোকপাত কৰিছে। চন্দ্ৰযান-২ৰ অৰ্বিটাৰ CHACE-2ৰ সহায়ত প্ৰথমবাৰৰ বাবে সূৰ্য্যৰ CME ৰ প্ৰভাৱ পোহৰলৈ অনা হৈছে।
২০১৯ চনৰ ২২ জুলাইত শ্ৰীহৰিকোটাৰ পৰা চন্দ্ৰযান-২ উৎক্ষেপণ কৰা হৈছিল। সেই বছৰৰ ২০ আগষ্টত চন্দ্ৰ অভিযানে সফলতাৰে চন্দ্ৰ কক্ষপথত উপনীত হৈছিল। যদিও ২০১৯ চনৰ ৭ ছেপ্টেম্বৰত অৱতৰণৰ সময়ত বিক্ৰম লেণ্ডাৰৰ সৈতে যোগাযোগ হেৰাই গৈছিল।
কিন্তু অৰ্বিটাৰখন সম্পূৰ্ণৰূপে সক্ৰিয় হৈ আছে। ই চন্দ্ৰৰ চাৰিওফালে প্ৰদক্ষিণ কৰি আছে। তাৰ পৰাই চন্দ্ৰ আৰু সূৰ্য্যৰ মাজৰ ‘সম্পৰ্ক’ক লৈ নতুন তথ্য প্ৰকাশ কৰিছে।
ইছৰ’ই কয় যে চন্দ্ৰযান-২ পেলোড CHACE-2 ত সূৰ্য্যৰ পৰা নিৰ্গত চিএমইৰ প্ৰভাৱ চন্দ্ৰৰ বহিঃমণ্ডলত কিমান সেয়া ৰেকৰ্ড কৰিছে। এই প্ৰভাৱ ২০২৪ চনৰ ১০ মে’ত প্ৰবল ক’ৰ’নেল গণ নিৰ্গমনৰ সময়ত চন্দ্ৰৰ ওপৰত সংঘটিত হৈছিল। ফলস্বৰূপে চন্দ্ৰক আগুৰি থকা পাতল বায়ুমণ্ডল বা বহিঃমণ্ডলত যথেষ্ট পৰিৱৰ্তন ঘটিছে।
বিজ্ঞানীসকলৰ বাবে এইটো অতি গুৰুত্বপূৰ্ণ তথ্য। কাৰণ এতিয়ালৈকে চিএমইৰ প্ৰভাৱ মূলতঃ পৃথিৱী আৰু মংগল গ্ৰহত দেখা গৈছে। এইবাৰ চন্দ্ৰতো ইয়াৰ প্ৰভাৱ দেখা গ’ল। আৰু সেই প্ৰভাৱ ভাৰতৰ চন্দ্ৰযানে পৰ্যবেক্ষণ কৰিছিল।
মহাকাশ বিজ্ঞানীসকলৰ মতে, ভৱিষ্যতৰ চন্দ্ৰ অভিযানত এই তথ্য বিশেষভাৱে উপযোগী হ’ব।
