চন্দ্ৰ ওচৰ চাপিছে চন্দ্ৰযান–৩। সকলো ঠিকেই থাকিলে অতি সোনকালেই চন্দ্ৰপৃষ্ঠত অৱতৰণ কৰিব ভাৰতে। সমগ্ৰ বিশ্বৰ দৃষ্টি নিবদ্ধ হৈ আছে ভাৰতৰ মুন মিছন চন্দ্ৰযান–৩ ৰ ওপৰত।
চন্দ্ৰযান–৩ৰ সৈতে প্ৰেৰণ কৰা বিক্ৰম লেণ্ডাৰে সঠিকভাৱে চন্দ্ৰৰ দিশে আগবাঢ়িছে। গতি কম কৰাৰ প্ৰক্ৰিয়াৰ পিছত চন্দ্ৰৰ আৰু অধিক কাষ চাপিছে লেণ্ডাৰ।
ইছৰোৱে জনোৱা মতে এতিয়া যানখনে চন্দ্ৰৰ দিশে লৈ যাবলগীয়া কক্ষপথৰ দিশে গতি লৈছে। এতিয়া সকলো স্বাভাৱিক।
কিন্তু পৰৱৰ্তী পদক্ষেপত প্ৰত্যাহ্বানৰ সমু্খীন হ’ব বিজ্ঞানী সকল।
ISRO–এ টুইট কৰি জনাইছে যে লেণ্ডাৰ মডিউলৰ স্থিতি বৰ্তমান স্বাভাৱিক। লেণ্ডাৰ মডিউলে সফলভাৱে এক গতি হ্ৰাস কৰা প্ৰক্ৰিয়া সম্পূৰ্ণ কৰিছে। ইয়াৰ দ্বিতীয়টো প্ৰক্ৰিয়া ২০ আগষ্টত নিশা ২ বজাত কৰা হ’ব।
যোৱা বৃহস্পতিবাৰে সফলভাৱে চন্দ্ৰযান–৩ৰ লেণ্ডাৰ মডিউল আৰু প্ৰপালচন মডিউল পৃথক হৈ পৰিছিল। ১৪ জুলাইত ৫ আগষ্টত চন্দ্ৰৰ কক্ষপথত প্ৰৱেশ কৰিছিল যান খনে।
ইছৰোৰ বিজ্ঞানী সকলে এই প্ৰত্যাহ্বান সফলতাৰে অতিক্ৰম কৰিব পাৰিলেই এই মাহৰ শেষৰ ফালে ঐতিহাসিক ক্ষণৰ সমুখীন হ’ব ভাৰত।
