মাৰাত্মক ক’ৰ’না ভাইৰাছে দেশত প্ৰতিদিনে হাজাৰ হাজৰ লোকৰ প্ৰাণ কাঢ়ি নিছে। আজি ক’ৰ’নাৰ চিকাৰ হ’ল এগৰাকী মোহময়ী অভিনেত্ৰী।
বলীউডৰ অভিনেত্ৰী অভিলাষা পাটিলৰ আজি ক’ৰ’নাত আক্ৰান্ত হৈ মৃত্যু ঘটে।
প্ৰয়াত অভিনেতা সুশান্ত সিং ৰাজপুত অভিনত ‘ছিছোৰে’ ছবিত গুৰুত্বপূৰ্ণ ভূমিকাত অভিনয় কৰা অভিলাষাৰ আজি মুম্বাইৰ এখন চিকিৎসায়ত মৃত্যু ঘটে।
অভিনেত্ৰীগৰাকীৰ মৃত্যুৰ খবৰ আজি ৰাজহুৱা কৰে তেওঁৰ সতীৰ্থ অভিনেতা সঞ্জয় কুলকাৰ্নিয়ে।
কুলকাৰ্নিয়ে প্ৰকাশ কৰা মতে অভিনেত্ৰী অভিলষা পাটিলে ছবি এখনৰ শ্বুটিঙৰ বাবে বাৰানসীলৈ গৈছিল। বাৰানসীতে তীব্ৰ জ্বৰত আক্ৰন্ত হোৱা অভিলাষাক মুম্বাইলৈ আনি এখন চিকিৎসালয়ত ভৰ্তি কৰোৱা হৈছিল।
চিকিৎসালয়ত পৰীক্ষাৰ অন্তত অভিলাষা ক’ৰ’নাত আক্ৰান্ত হোৱা বুলি নিশ্চিত কৰা হয়। চিকিৎসকৰ বহু চেষ্টাৰ পিছতো আজি অভিনেত্ৰীগৰাকীয়ে মৃত্যুক সাৱটি লয়।
Hard to believe that this was our last pic together… 😥😥
I pray that your soul finds peace…
You will be missed #AbhilashaPatil Ma'am….
.
.
.#abhilashapatil#marathiactress #rip#castingdirectorpareshpatel pic.twitter.com/X5Z1r8e6gT— PARESH PATEL (@impareshapatel) May 4, 2021
৪৭ বছৰীয়া অভিনেত্ৰী অভিলাষা পাটিলে স্বামীৰ লগতে এটি কণমানি পুতৰি সন্তানক এৰি থৈ গৈছে।
প্ৰয়াত অভিনেত্ৰীগৰাকীয়ে বৰুণ ধাৱান-আলিয়া ভাট অভিনীত ‘বদ্ৰীনাথ কি দুলহনিয়া’,অক্ষয় কুমাৰ অভিনীত ‘গুড নিউজ’ আদি ছবিৰ লগতে বলিউডৰ আন বহু ছবিত অভিনয় কৰিছিল।
মাৰাঠী ভাষাৰ বহু জনপ্ৰিয় ধাৰাবাহিকৰ লগতে ছবিত তেওঁ সুন্দৰ অভিনয় কৰি দৰ্শকৰ মন জয় কৰিবলৈ সক্ষম হৈছিল।
ডিজনী প্লাছ হটষ্টাৰৰ ক্ৰিমিনাল জাষ্টিজৰ দ্বিতীয় ছিৰিজটোতো অভিলাষাই অভিনয় কৰিছিল।
অভিনেত্ৰী গৰাকীৰ মৃত্যুৰ খবৰ বিয়পি পৰাৰ লগে লগে বলিউডত শোকৰ ছাঁ পৰিছে।