আজি বিশ্ব স্বাস্থ্য দিৱস উপলক্ষে মুখ্য মন্ত্ৰী সৰ্বানন্দ সোণোৱালে সামাজিক মাধ্যমৰ জৰিয়তে চিকিৎসা ক্ষেত্ৰৰ সৈতে জড়িত ব্যক্তি সকলক ধন্যবাদ জ্ঞাপন কৰে ৷
ক’ৰ’না ভাইৰাছ ৰোধৰ লগতে আক্ৰান্ত ব্যক্তি সকলক নিজৰ জীৱনকো সংকটত ৰাখি চিকিৎসা প্ৰদান কৰি অহা চিকিৎসক, নাৰ্চ তথা চিকিৎসা খণ্ডৰ চতুৰ্থ বৰ্গৰ কৰ্মচাৰীলৈ সকলোকে ধন্যবাদ জ্ঞাপন কৰে মুখ্য মন্ত্ৰী সোণোৱালে।
‘‘চিকিৎসক, নাৰ্ছকে ধৰি সকলো স্বাস্থ্যকৰ্মী হৈছে আমাৰ স্বাস্থ্যসেৱাৰ জীৱনৰেখা স্বৰূপ,’’ সোণোৱালে কয়।
‘‘বিশ্ব স্বাস্থ্য দিৱসত এইসকল সাহসী যোদ্ধাক আন্তৰিক ধন্যবাদ জ্ঞাপন কৰিছোঁ, যিসকলে নিজৰ জীৱনকো সংকটত ৰাখি ক’ভিদ-১৯ৰ বিৰুদ্ধে সন্মুখৰপৰা যুঁজ দি আছে,’’ মুখ্য মন্ত্ৰী সোণোৱালে নিজৰ ফেইচবুক পেইজত এইদৰে লিখে।
আনহাতে, সোণোৱালে স্বাস্থ্য খণ্ডৰ লগত জড়িত লোক সকলৰ মংগল কামনা কৰাৰ লগতে আজিৰ এই ক’ৰ’নাৰ বিৰুদ্ধে যুঁজৰ প্ৰত্যাহ্বানপূৰ্ণ সময়ত সকলোকে তেখেতসকলৰ কাষত থিয় হোৱাৰ বাবে আহ্বান জনায় ৷
