উত্তৰ প্ৰদেশৰ কাছগঞ্জত সংঘটিত হৈছে এক কৰুণ পথ দুৰ্ঘটনা। তীৰ্থযাত্ৰী কঢ়িয়াই অনা এখন ট্ৰেক্টৰ নিয়ন্ত্ৰণ হেৰুৱাই পথৰ কাষৰ পুখুৰীত বাগৰি পৰে।
প্ৰাথমিক খবৰ অনুসৰি, এই পথ দুৰ্ঘটনাত এতিয়ালৈকে কমেও ২২ জন লোকৰ মৃত্যু হৈছে, ইয়াৰ ভিতৰত কেইবাটাও শিশুও আছে। মৃতসকলৰ ভিতৰত আছে একাংশ মহিলা।
এতিয়ালৈকে পোৱা তথ্য অনুসৰি ট্ৰেক্টৰখনে তীৰ্থযাত্ৰীৰ এটা গোট লৈ কাদেৰগঞ্জ অভিমুখে গৈ আছিল। সেই সময়ত গাড়ীখনে নিয়ন্ত্ৰণ হেৰুৱাই কাছগঞ্জৰ পুখুৰীত বাগৰি পৰে।
এই মৰ্মান্তিক দুৰ্ঘটনাৰ খবৰ পাই মুখ্যমন্ত্ৰী যোগী আদিত্যনাথ গভীৰ শোক প্ৰকাশ কৰিছে। দুৰ্ঘটনাৰ খবৰ পোৱাৰ লগে লগে উত্তৰ প্ৰদেশৰ মুখ্যমন্ত্ৰী যোগী আদিত্যনাথে দুৰ্ঘটনাত মৃত্যু হোৱা প্ৰতিজনৰ পৰিয়াললৈ যোগী আদিত্যনাথে ২ লাখ টকাৰ আৰ্থিক সাহায্য দিয়াৰ কথা ঘোষণা কৰিছে।
जनपद कासगंज में सड़क दुर्घटना में हुई जनहानि अत्यंत हृदय विदारक है। मेरी संवेदनाएं शोकाकुल परिजनों के साथ हैं।
जिला प्रशासन के अधिकारियों को सभी घायलों के समुचित निःशुल्क उपचार हेतु निर्देश दिए हैं।
प्रभु श्री राम से प्रार्थना है कि दिवंगत आत्माओं को शांति तथा घायलों को शीघ्र…
— Yogi Adityanath (@myogiadityanath) February 24, 2024
আহতসকলৰো শীঘ্ৰে চিকিৎসাৰ ব্যৱস্থা কৰা হৈছে। উত্তৰ প্ৰদেশ চৰকাৰে আহতসকলৰ পৰিয়াললৈ ৫০ হাজাৰ টকাৰ আৰ্থিক সাহায্য প্ৰদানৰ কথা ঘোষণা কৰিছে।
খবৰ অনুসৰি হজযাত্ৰীসকলে গংগা নদীত গা ধুবলৈ কাদেৰগঞ্জলৈ গৈছিল তীৰ্থযাত্ৰীসকল। তেতিয়াই দুৰ্ঘটনাটো সংঘটিত হয়। দুৰ্ঘটনা সংঘটিত হোৱাৰ লগে লগে স্থানীয় ৰাইজে উদ্ধাৰ কাৰ্য আৰম্ভ কৰে। আৰক্ষী আৰু উদ্ধাৰকাৰী দলো সেই স্থানত উপস্থিত হয়। আহতসকলক ক্ষন্তেকতে উদ্ধাৰ কৰি স্থানীয় চিকিৎসালয়লৈ লৈ যোৱা হয় ।
