ভাৰতৰ ৩৮ হাজাৰ বৰ্গ কিলোমিটাৰ অঞ্চল দখল কৰিছে চীনে: ৰাজ্যসভাত প্ৰতিৰক্ষা মন্ত্ৰী ৰাজনাথ সিং

ভাৰতৰ চিৰবৈৰী ৰাষ্ট্ৰ চীনে এতিয়ালৈকে ভাৰতৰ ৩৮ হাজাৰ বৰ্গ কিলোমিটাৰ অঞ্চল দখল কৰিছে।
বৃহস্পতিবাৰে লোকসভাৰ মজিয়াত এই তথ্য সদৰী কৰে কেন্দ্ৰীয় প্ৰতিৰক্ষা মন্ত্ৰী ৰাজনাথ সিঙে।

ৰাজনাথ সিঙে কয় যে দেশৰ বিভিন্ন সীমান্তৱৰ্তী অঞ্চলত চীনে ৩৬ হাজাৰ বৰ্গ কিলোমিটাৰ অঞ্চল দখল কৰি ৰখাৰ লগতে চাইনো-পাকিস্তান অঞ্চলৰ ৯ হাজাৰ ১৫০ বৰ্গ কিলোমিটাৰ অঞ্চল পাকিস্তানে চীনৰ হাতত তুলি দিছে।

এই অঞ্চলটো ভাৰতৰে যদিও দ্বিপাক্ষিক বিবাদৰ বাবে উক্ত অঞ্চলটোত পাকিস্তানে নিজৰ নিয়ন্ত্ৰণত ৰাখিছে।

While our armed forces abide scrupulously by it, this has not been reciprocated by the Chinese side: Defence Minister Rajnath Singh in Rajya Sabha on India & China border issue https://t.co/ba0c9btOrb

— ANI (@ANI) September 17, 2020

ৰাজ্যসভাৰ মজিয়াত ৰাজনাথ সিঙে লগতে কয় যে চীনে এতিয়াও ভাৰতৰ প্ৰায় ৯০ হাজাৰ বৰ্গ কিলোমিটাৰ অঞ্চল নিজৰ বুলি দাবী কৰি আহিছে।

অৱশ্যে চীনে এনডিএ নে ইউপিএ চৰকাৰৰ দিনত ইে বিশাল ভূখণ্ড নিজৰ দখললৈ নিছে সেই সন্দৰ্ভত ৰাজনাথ সিঙে স্পষ্টকৈ একো কথা নক’লে।

উল্লেখ্য ইয়াৰ পূৰ্বে ৰাজনাথ সিঙে লোকসভাত বিবৃতি প্ৰকাশ কৰাৰ পিছতে চীনে প্ৰতিক্ৰিয়া ব্যক্ত কৰিছিল।

সৌসিদিনা লাডাখ সংকটকলৈ চীন-ভাৰতৰ মাজত সৃষ্টি হোৱা উত্তেজনাৰ সময়তে লোকসভাৰ মজিয়াত কেন্দ্ৰীয় প্ৰতিৰক্ষা মন্ত্ৰী ৰাজনাথ সিঙে এক বিবৃতি প্ৰকাশ কৰিছিল।

প্ৰতিৰক্ষা মন্ত্ৰী গৰাকীয়ে কয় যে চীনৰ সকলো ধৰণৰ ভাবুকি প্ৰতিহত কৰিব পৰাকৈ ভাৰত সম্পূৰ্ণ সাজু আছে।

এইক্ষেত্ৰত ভাৰতে প্ৰয়োজন সাপেক্ষে চীনৰ বিৰুদ্ধে শক্তি প্ৰয়োগ কৰাৰো ইংগিত দিছিল ৰাজনাথ সিঙে।

ভাৰতৰ প্ৰতিৰক্ষা মন্ত্ৰীগৰাকীৰ এনে মন্তৱ্যৰ পিছতে চীনেও  প্ৰতিক্ৰিয়া প্ৰকাশ কৰি কৈছিল যে  ভাৰতৰ সৈতে চীনে সুসম্পৰ্ক বজাই ৰাখিব বিচাৰে যদিও ভাৰতীয় সেনাই লাডাখ সীমান্তত আন্তঃৰাষ্টীয় নীতি উলংঘা কৰি চীনৰ ভূখণ্ডত প্ৰৱেশ কৰাটো চীনে কেতিয়াও সহ্য নকৰে।

চীনে ভাৰতক এইবুলি সকিয়াই দিছিল যে চীনে যিদৰে শান্তিৰ পক্ষপাতী ঠিক তেনেদৰে যুদ্ধৰ বাবেও দেশ খন সম্পূৰ্ণ সাজু আছে।