পঞ্জাৱৰ ফিৰোজপুৰ জিলাৰ মাবোকে গাঁৱৰ সমীপত সীমান্ত সুৰক্ষা বাহিনীয়ে চীনত নিৰ্মিত এখন ড্ৰ’ন উদ্ধাৰ কৰে বুলি শনিবাৰে বি এছ এফ পঞ্জাব ফ্ৰন্টিয়াৰৰ এক প্ৰেছ বিজ্ঞপ্তিযোগে প্ৰকাশ কৰিছে।
আনুষ্ঠানিক বিবৃতিৰ ভিত্তিত বি এছ এফে ২০২৩ চনৰ ৮ ডিচেম্বৰৰ নিশা প্ৰায় ১০:১০ বজাত মাবোকে গাঁৱৰ সমীপত এখন সন্দেহযুক্ত ড্ৰ’ন ধৰা পেলাইছিল। প্ৰট’কল মানি বি এছ এফৰ সৈন্যই তৎক্ষণাত গুলীচালনা কৰি ড্ৰ’নখন ভূপতিত কৰে।
৯ ডিচেম্বৰৰ পুৱা তালাচী চলাওঁতে বি এছ এফৰ সৈন্যই ৰোহিল্লা হাজী গাঁৱৰ সমীপৰ এখন পথাৰত এটা সৰু ড্ৰ‘ন আৰু হোল্ড এণ্ড ৰিলিজ মেকানিজম উদ্ধাৰ কৰে।
প্ৰেছ বিজ্ঞপ্তি অনুসৰি উদ্ধাৰ হোৱা ড্ৰ’নখন হৈছে Quadcopter (Model – DJI Mavic 3 Classic আৰু এইখন চীনত নিৰ্মিত।
𝐏𝐚𝐤𝐢𝐬𝐭𝐚𝐧𝐢 𝐝𝐫𝐨𝐧𝐞 𝐫𝐞𝐜𝐨𝐯𝐞𝐫𝐞𝐝 𝐛𝐲 𝐁𝐒𝐅
After a Pakistani drone violated Indian airspace and was intercepted by #BSF troops with firing. @BSF_Punjab troops launched a search operation, recovering a Pakistani drone (DJI Mavic 3 Classic – Made in China) from a… pic.twitter.com/HBo2ZZvcU4
— BSF PUNJAB FRONTIER (@BSF_Punjab) December 9, 2023
উল্লেখ্য যে চুবুৰীয়া ৰাষ্ট্ৰৰ পৰা ভাৰতৰ ভূখণ্ডলৈ অস্ত্ৰ-শস্ত্ৰ বা ড্ৰাগছ সৰবৰাহ কৰিবলৈ ড্ৰ’ন ব্যৱহাৰৰ চেষ্টা নতুন নহয়। বিশেষকৈ পঞ্জাৱত এনে ঘটনা সঘনাই ঘটি থকা দেখা যায়।
ইয়াৰ পূৰ্বে চলিত সপ্তাহৰ আৰম্ভণিতে আৰম্ভণিতে সীমান্ত সুৰক্ষা বাহিনী আৰু পঞ্জাৱ আৰক্ষীৰ দ্বৈত অভিযানত অমৃতসৰত পাকিস্তানী মূলৰ এখন ড্ৰ’ন উদ্ধাৰ হৈছিল।
