মুখ্য মন্ত্রী সর্বানন্দ সােণােৱালে আজি সৰুসজাই ক্রীড়া প্রকল্পত অহা ১০ জানুৱাৰীৰ পৰা ১৩ দিনীয়া কাৰ্যসূচীৰে গুৱাহাটীত অনুষ্ঠিত হ’বলগীয়া তৃতীয় সংখ্যক খেলাে ইণ্ডিয়া য়ুথ গেমছ ২০২০ ৰ বাবে নিয়োজিত স্বেচ্ছাসেৱক সকলক সাক্ষাৎ কৰে।
স্বেচ্ছাসেৱক সন্মিলনত অধ্যক্ষতা কৰি সোণোৱালে ভাষণত এই প্রতিযােগিতাখন সর্বতাে প্ৰকাৰে সফল কৰাৰ দিশত স্বেচ্ছাসেৱক সকলক তেওঁলােকৰ দায়িত্ব আৰু কর্তব্য নিষ্ঠা সহকাৰে পালন কৰাৰ বাবে আহ্বান জনায়।
ভাষণ প্রসংগত মুখ্য মন্ত্ৰীয়ে কয় যে ভাৰত চৰকাৰ আৰু অসম চৰকাৰে ৰাইজৰ সহযােগত মিলিত প্রচেষ্টাৰে এই বৃহৎ ক্রীড়া প্রতিযােগিতাখন আয়ােজন কৰিছে। সেয়েহে এই ক্রীড়া প্রতিযােগিতাখন সফল ৰূপ দিবৰ বাবে গৃহস্থ হিচাপে অসমে এক বিৰল সুযােগ লাভ কৰিছে।
ইয়ালৈ অহা প্ৰতিগৰাকী খেলুৱৈ তথা কর্মকর্তাই নিজৰ গৃহত থকা বুলি যাতে এক অনুভৱ কৰিব পাৰে তাৰ বাবে স্বেচ্ছাসেৱক সকলে আপ্রাণ প্রচেষ্টা কৰিব লাগিব বুলিও মুখ্যমন্ত্ৰীয়ে কয়।
মুখ্য মন্ত্ৰীয়ে কয় যে এই ক্ৰীড়াৰ জৰিয়তে অসমৰ সন্মান বৃদ্ধি হ’ব। আনহাতে এই ক্ৰীড়াৰ জৰিয়তে যাতে অসমৰ নৈসর্গিক সৌন্দর্য, ইয়াৰ কৃষ্টি-সংস্কৃতি, নদ-নদী, পাহাৰ ভৈয়াম, বর্ণিল ইতিহাসৰ বিষয়ে সকলােৱে জানিব পাৰে তাৰ বাবে স্বেচ্ছাসেৱক সকলক পদক্ষেপ ল’বলৈও আহ্বান জনায়।
মুখ্য মন্ত্ৰীয়ে তেৰ দিনলৈ চলিবলগীয়া এই খেলাে ইণ্ডিয়া য়ুথ গেমছত নিয়ােজিত স্বেচ্ছাসেৱক সকলে ইয়াৰ জৰিয়তে তেওঁলােকৰ আত্মবিশ্বাস আৰু ব্যক্তিত্ব বিকাশৰ দিশত সুযােগ লাভ কৰিব পাৰিব বুলিও কয়।
সুধাকণ্ঠ ভাৰতৰত্ন ড° ভূপেন হাজৰিকাৰ ‘এই পৃথিবী এক ক্রীড়াংগণ, ক্রীড়া হ’ল শান্তিৰ প্রাংগণ’ গীতৰ উদ্ধৃতি দাঙি ধৰি মুখ্য মন্ত্ৰীয়ে কয় যে ক্ৰীড়াৰ জৰিয়তে শান্তি আৰু ভাতৃত্ববােধৰ এক বলিষ্ঠ বাতাবৰণৰ সৃষ্টি হয়। খেলাে ইণ্ডিয়া ক্রীড়া প্রতিযােগিতাৰ জৰিয়তে ‘এক ভাৰত শ্রেষ্ঠ ভাৰতৰ লক্ষ্যও শক্তিশালী ৰূপত প্রতিপন্ন হ’ব বুলি মুখ্য মন্ত্ৰীয়ে উল্লেখ কৰে।
ভাষণৰ মাজতে মুখ্য মন্ত্ৰীয়ে এই ক্ৰীড়াৰ বাবে বাছনি কৰা প্রায় ১ হাজাৰ স্বেচ্ছাসেৱকৰ প্ৰতিনিধিক নিজৰ অনুভৱ ব্যক্ত কৰাৰ বাবে সুযােগ প্রদান কৰি তেওঁলােকক যথেষ্ট উৎসাহিত কৰে।
তৃতীয় সংখ্যক খেলাে ইণ্ডিয়া য়ুথ গেমছ- ২০২০ ৰ যুটীয়া কাৰ্যবাহী বিষয়া ড° এম অংগমুথুৱে আদৰণি ভাষণ প্রদান কৰা আজিৰ এই অনুষ্ঠানত ৰাজ্যিক পর্যায়ৰ ছাত্ৰ আৰু যুৱ কল্যাণ সমিতিৰ সদস্য সচিব লক্ষ্য কোঁৱৰ, খেলাে ইণ্ডিয়া য়ুথ গেমছৰ মুখ্য কাৰ্যবাহী বিষয়া অবিনাশ যােশীৰ লগতে বহু সংখ্যক গণ্যমান্য ব্যক্তি উপস্থিত থাকে।
