মাটিৰ ফাইলৰ নিষ্পত্তি নোহোৱাকৈ পৰি থকা কাম ৬ অক্টোৱৰৰ ভিতৰত সম্পূৰ্ণ কৰাৰ নিৰ্দেশ দিলে মুখ্যমন্ত্ৰী হিমন্ত বিশ্ব শৰ্মাই।
একেদৰে সকলো লোককে মাটিৰ কামৰ ক্ষেত্ৰত বিনামূলীয়া সেৱা আগবঢ়াবলৈও মুখ্যমন্ত্ৰীয়ে পৰামৰ্শ আগবঢ়ায়।
কলাক্ষেত্ৰত ৰাজহ চক্ৰ বিষয়া, ADC সকলৰ সন্মিলনত উপস্থিত থাকি বিষয়াসকলৰ সৈতে মুখ্যমন্ত্ৰী হিমন্ত বিশ্ব শৰ্মাই মত বিনিময় কৰে।
ৰাজহ চক্ৰ বিষয়াসকলক মাটিৰ ফাইল পৰি থকাক লৈ মুখ্যমন্ত্ৰীয়ে প্ৰশ্ন কৰে।
পৰি থকা ফাইলসমূহ ৬ অক্টোৱৰৰ ভিতৰত ক্লিয়াৰ কৰাৰ নিৰ্দেশ মুখ্যমন্ত্ৰীয়ে।
মুখ্যমন্ত্ৰীৰ এই নিৰ্দেশে মাটিৰ কামত চক্ৰ বিষয়াৰ কাৰ্যালয়লৈ তাঁতবাতি কৰি থকা লোকসকল কিঞ্চিত পৰিমাণে হ’লেও সকাহ দিবলৈ সক্ষম হ’ব বুলি আশা কৰা হৈছে।
সন্মিলনতে ৰাজহ চক্ৰ বিষয়াসকলক দালালীৰাজ বন্ধ কৰাৰো আহ্বান জনায় মুখ্যমন্ত্ৰীয়ে।
কামৰ বিনিময়ত কোনো লোকে ধন ল’ব নোৱাৰিব বুলিও মুখ্যমন্ত্ৰী হিমন্ত বিশ্ব শৰ্মাই সকীয়নি দি থয়।
উপঢৌকন লোৱাৰ সলনি সকলোকে বিনামূলীয়া সেৱা আগবঢ়োৱাবলৈ মুখ্যমন্ত্ৰীয়ে পৰামৰ্শ দিয়ে।
মাটিৰ কামৰ ক্ষেত্ৰত কিবা দুৰ্নীতি সংঘটিত হ’লে সেই বিষয়ে দৃষ্টিগোচৰ কৰিবলৈ মুখ্যমন্ত্ৰী হিমন্ত বিশ্ব শৰ্মাই সকলোকে আহ্বান জনায়।