অসম আৰক্ষীৰ উপ পৰিদৰ্শকৰ পৰীক্ষাৰ প্ৰশ্নকাকত ফাদিলৰ ঘটনাৰ তদন্তৰ মাজতে মুখ্য মন্ত্ৰী সৰ্বানন্দ সোণোৱালে সোমবাৰে ৰাজ্যিক পৰ্য্যায়ৰ আৰক্ষী নিযুক্তি ব’ৰ্ড পুনৰ গঠন কৰিছে।
সম্পূৰ্ণ স্বচ্ছ আৰু নিকাভাৱে আৰক্ষী উপ পৰিদৰ্শকৰ নিযুক্তি প্ৰক্ৰিয়া সম্পূৰ্ণ কৰাৰ স্বাৰ্থত মুখ্য মন্ত্ৰীয়ে এই ব’ৰ্ড পুনৰ গঠন কৰিছে।
আৰক্ষী সঞ্চালক প্ৰধান ভাস্কৰজ্যোতি মহন্তক এই ব’ৰ্ডৰ অধ্যক্ষৰ দায়িত্ব অৰ্পণ কৰা হৈছে।
অতিৰিক্ত আৰক্ষী সঞ্চালক প্ৰধান হৰ্মিৎ সিঙক সদস্য সচিব, অতিৰিক্ত আৰক্ষী সঞ্চালক প্ৰধান এল আৰ বিষ্ণই আৰু আৰক্ষী মহাপৰিদৰ্শক হীৰেন নাথক এই ব’ৰ্ডৰ সদস্যৰ দায়িত্ব দিয়া হৈছে।
২০ নৱেম্বৰৰ ভিতৰত আৰক্ষী উপ পৰিদৰ্শকৰ নিযুক্তিৰ পৰীক্ষা সম্পূৰ্ণ কৰিবলৈ মুখ্য মন্ত্ৰীয়ে ব’ৰ্ডক নিৰ্দেশ দিছে।
পৰীক্ষাত যাতে কোনো বিসংগতি নহয় সেয়া নিশ্চিত কৰিবলৈয়ো মুখ্য মন্ত্ৰীয়ে ব’ৰ্ডক নিৰ্দেশ দিছে।
