বুধবাৰে উত্তৰপ্ৰদেশৰ মুখ্য়মন্ত্ৰী যোগী আদিত্যনাথে ৰাজ্যখনত ‘অপৰিহাৰ্য সেৱা ৰক্ষণাবেক্ষণ আইন’ৰ (Essential Services Maintenance Act 1996 চমুকৈ ESMA) সূচনা কৰিছে।
এই আইন অনুসৰি ৬ মাহৰ বাবে ৰাজ্যখনৰ সকলো চৰকাৰী বিভাগ আৰু কৰ্পৰেচনৰ ধৰ্মঘটসমূহ বেআইনী হিচাপে পৰিগণিত হ’ব।
ৰাজ্যখনৰ আৰক্ষীয়ে যিকোনো লোককে এই আইন উলংঘটন কৰিলে কোনো চমনজাৰি নকৰাকৈ গ্ৰেপ্তাৰ কৰিব পাৰিব।
গ্ৰেপ্তাৰ কৰাৰ পাছত লোকজনক ১বছৰৰ বাবে কাৰাবাস অথবা ১০০০ টকাৰ জৰিমণা বিহা হ’ব, অথবা দুয়োটা শাস্তিৰে সন্মুখিন হ’ব লাগিব।
যোৱা বৰ্ষতে মে’ মাহৰ পৰা ৬ মাহৰ বাবে ৰাজ্যখনত এই আইন বলৱৎ কৰা হৈছিল।
তাৰপাছতো ছমাহৰ পাছত নৱেম্বৰৰ ২৫ তাৰিখৰ পৰা এই আইন আৰু অধিক ৬ মাহৰ বাবে বলৱৎ কৰা হৈছিল।
