বুধবাৰৰ পৰা সন্ধানহীন হৈ আছিল কলম্বিয়াৰ এখন বিচক্ৰাফ্ট ১৯০০ বিমান। অৱশেষত কলম্বিয়াৰ বিষয়াসকলে বিমানখনৰ ধ্বংসাৱশেষ বিচাৰি উলিয়াইছে।
স্থানীয় সংবাদ মাধ্যমৰ সূত্ৰ অনুসৰি দুৰ্ঘটনাটোৰ পৰা কোনো যাত্ৰী জীৱিত নাই। বিমানখনত থকা ১৩ জন যাত্ৰী আৰু ২ জন ক্ৰুৱে প্ৰাণ হেৰুৱাইছে। যাত্ৰীসকলৰ ভিতৰত আছিল কলম্বিয়াৰ এজন সাংসদ। তদুপৰি যাত্ৰীসকলৰ মাজত আগন্তুক নিৰ্বাচনৰ এজন প্ৰাৰ্থীও আছিল।
বাতৰি অনুসুৰি, কলম্বিয়া আৰু ভেনিজুৱেলাৰ ওচৰত ১৫ জন যাত্ৰী কঢ়িয়াই অনা এখন বাণিজ্যিক বিমান সন্ধানহীন হৈ পৰে। কলম্বিয়াৰ বিমান পৰিবহণ বিষয়া আৰু দেশখনৰ বিমান সংস্থা ছাটেনাই জনোৱা মতে, বিমানখন শেষবাৰৰ বাবে কাটাটুম্বো অঞ্চলত দেখা গৈছিল। তাৰ পিছত আৰম্ভ হ’ল অনুসন্ধান।
বুধবাৰে পুৱা ১১.৪২ বজাত কাকুটৰ পৰা উৰা মাৰে এন এছ ই ৮৮৪৯ বিমানখন। তাৰ পিছত অৱতৰণ কৰাৰ মাত্ৰ ১১ মিনিট আগতে ইয়াৰ সৈতে যোগাযোগ নোহোৱা হৈ গ’ল। তাৰ পিছত, বিমানখনৰ চূড়ান্ত স্থানৰ সন্ধান আৰম্ভ হ’ল। ইয়াৰ পিছতে কাটাটুম্বোৰ পাহাৰীয়া অঞ্চলত বিমানখনৰ ধ্বংসাৱশেষ উদ্ধাৰ হয়।
বিশেষজ্ঞসকলৰ মতে এই অঞ্চলৰ বতৰ একেবাৰে ভাল নহয়। ইয়াৰ উপৰিও ইয়াত বিপদজনক পাহাৰ আছে। ফলত অনুসন্ধান অভিযানত বহু প্ৰত্যাহ্বানৰ সন্মুখীন হ’বলগীয়া হ’ল।
এই বিষয়ত বৰ্তমান বিশেষ একো ক’ব পৰা হোৱা নাই। কলম্বিয়াৰ অসামৰিক বিমান পৰিবহণ সংস্থাৰ বিষয়াসকলে বিমানখনৰ ধ্বংসাৱশেষ পৰীক্ষা কৰিবলৈ আৰম্ভ কৰিছে। তেতিয়াহে গম পোৱা যাব যে বেয়া বতৰৰ বাবে নে কোনো কাৰিকৰী বিজুতিৰ বাবে বিমানখন দুৰ্ঘটনাগ্ৰস্ত হৈছে।
দৰাচলতে এই বিমান দুৰ্ঘটনাৰ পিছত কলম্বিয়াৰ মহাকাশ বাহিনী আৰু অসামৰিক বিমান পৰিবহণ কৰ্তৃপক্ষ জড়িত হৈ পৰিছিল। যৌথভাৱে অভিযান চলায়। লগতে এটা হেল্পলাইন নম্বৰ মুকলি কৰে। আৰু সেই বিমানখনৰ ধ্বংসাৱশেষ অৱশেষত পোৱা গ’ল। জানিব পৰা মতে বিমানখনত থকা ১৫জন লোকেই প্ৰাণ হেৰুৱাইছে।
ভাৰতৰ পৰা কলম্বিয়ালৈকে ইখনৰ পিছত সিখন বিমান দুৰ্ঘটনা চৰ্চালৈ আহিছে, সাধাৰণ মানুহৰ মনত ভয় বাঢ়িছে। কাৰণ, বুধবাৰে অজিত পাৱাৰৰ বিমান দুৰ্ঘটনাগ্ৰস্ত হয়। তাত অজিত পাৱাৰকে ধৰি সেই বিমানত থকা সকলোৰে মৃত্যু হয়। ইয়াৰ মাজতে কলম্বিয়াত হোৱা বিমান দুৰ্ঘটনাত মৃত্যুৰ খবৰ পোহৰলৈ আহিছে। যাৰ বাবেই বিমান যাত্ৰীৰ মনত ভয় বাঢ়িছে।
