সুৰংগ আৰু পথ নিৰ্মাণৰ বাবে দুটা কোম্পানীক কাম অবৈধভাৱে আৱন্টন দি সাধাৰণ জনতাৰ ১০ হাজাৰ কোটি টকা লুটি নিলে মহাৰাষ্ট্ৰ চৰকাৰে। শুকুৰবাৰে কংগ্ৰেছে এনে এক চাঞ্চল্যকৰ অভিযোগ উত্থাপন কৰে।
অহা ২০ নৱেম্বৰত মহাৰাষ্ট্ৰত নিৰ্বাচন। এআইচিচিৰ মুখপাত্ৰ পৱন খেৰাই হাতলৈ অহা নথি-পত্ৰক অস্ত্ৰ হিচাপে ব্যৱহাৰ কৰি বিজেপিৰ ওপৰত চাপ প্ৰয়োগ কৰে। আনকি তেওঁ বিজেপিক ‘বি’ কোম্পানী বুলিও কটাক্ষ কৰে।
তেওঁ কয়, ‘মুম্বাইত এবাৰ আণ্ডাৰৱৰ্ল্ড ডন ডাউদ ইব্ৰাহিমৰ ডি কোম্পানীৰ কথা শুনিছিলো। এতিয়া সেইটো হৈছে বি কোম্পানী। সেয়া হ’ল বিজেপি।
লগতে পঢ়কঃ চেন্নাইত হিন্দী মাহ উদযাপনত আপত্তি ষ্টেলিনৰ : কঠোৰ ভাষাৰে চিঠি লিখিলে মোদীলৈ
মহাৰাষ্ট্ৰ ৰাজ্যিক পথ উন্নয়ন নিগমে পুনে চহৰৰ ভিতৰত ৬৪.৪১ কিলোমিটাৰ সুৰংগ আৰু পথ নিৰ্মাণ কৰি আছে। প্ৰথম অৱস্থাত এই প্ৰকল্পৰ ব্যয় ১০ হাজাৰ ৮৭ কোটি বুলি অনুমান কৰা হৈছিল। পিছত ২০ হাজাৰ ৯৯০ কোটিলৈ বৃদ্ধি কৰা হয়। এই সন্দৰ্ভত ৰাহুল গান্ধীৰ দলে প্ৰশ্ন উত্থাপন কৰে।
তেওঁলোকে লগতে দাবী কৰে, য’ত একেটা কামৰ বাবে কোম্পানী এটাক দুটাতকৈ অধিক আৱন্টন দিয়াৰ নিয়ম নাই, তাত দুটা কোম্পানীক কিয় চাৰিটা আৱন্টন দিয়া হৈছে?
পৱন খেৰাই অভিযোগ কৰে যে ১৩ শতাংশ ধন নিৰ্বাচনী বণ্ডৰ জৰিয়তে মহাৰাষ্ট্ৰৰ পৰা আহিছিল। সেই বণ্ডৰ পৰা বিজেপিয়ে চাবস্ক্ৰিপচন সংগ্ৰহ কৰিছিল। কোম্পানীটোক কামৰ পৰা অধিক ধন সংগ্ৰহ কৰিবলৈ অনুমতি দিয়া হৈছিল। আৰু চৰকাৰী প্ৰকল্পত কামৰ খৰছ ৰাইজৰ কৰৰ ধনেৰে যোগান ধৰে। তেওঁ লগতে কয়, ‘সকলো জানিও প্ৰধানমন্ত্ৰী কিয় মৌন? কিয় কেগে অডিট কৰা নাছিল?
লগতে পঢ়কঃ সতৰ্ক ৰে’ল চালকৰ দ্বাৰা এজাক হাতীৰ প্ৰাণ ৰক্ষা; কৃত্ৰিম বুদ্ধিমত্তা আধাৰিত ব্যৱস্থাই কৰিলে সহায়
আনহাতে, কংগ্ৰেছে ঝাৰখণ্ডতো চৰকাৰ গঠনৰ বাবে জপিয়াই পৰিছে। সেই উদ্দেশ্যে শনিবাৰে ৰাহুল গান্ধী ৰাঁচীত এখন সন্মিলনলৈ গৈ আছে। এতিয়া ঝাৰখণ্ডত চলি আছে জেএমএম-কংগ্ৰেছ-আৰজেডিৰ চৰকাৰ। এইবাৰো তেওঁলোকৰ লক্ষ্য বিজেপিক প্ৰতিহত কৰা। সেয়ে কংগ্ৰেছে আসনৰ আপোচত ঠেহ নপতাৰ সিদ্ধান্ত লৈছে। কংগ্ৰেছে সকলোৰে মন-মগজু বুজি ভোট লাভৰ কৌশল থিৰাং কৰিব বিচাৰিছে।
