নিৰ্বাচনী প্ৰচাৰ বাবে আজি দুপৰীয়া ডিব্ৰুগড়ত উপস্থিত হৈছে সৰ্ব ভাৰতীয় কংগ্ৰেছ কমিটিৰ প্ৰাক্তন সভাপতি ৰাহুল গান্ধী।
শুকুৰবাৰে ডিব্ৰুগড় বিমান বন্দৰৰ পৰা কংগ্ৰেছ নেতাগৰাকীক আদৰণি জনায় কংগ্ৰেছৰ অসমৰ পৰ্যবেক্ষক জিতেন্দ্ৰ সিং, ছত্তিশগড়ৰ মুখ্যমন্ত্ৰী ভূপেশ বাঘেল, নগাঁৱৰ কংগ্ৰেছ সাংসদ তথা কংগ্ৰেছৰ নিৰ্বাচনী কমিটিৰ অধ্যক্ষ প্ৰদ্যুৎ বৰদলৈসহ ৰাজ্যিক কংগ্ৰেছৰ অন্যান্য নেতাসকলে।
কংগ্ৰেছৰ অফিচিয়েল টুইটাৰে প্ৰকাশ কৰা অনুসৰি ৰাহুল গান্ধীয়ে দুদিন ধৰি অসম বিধানসভা ২০২১ নিৰ্বাচনৰ কংগ্ৰেছ প্ৰাৰ্থীৰ বাবে প্ৰচাৰ চলাব।
Shri @RahulGandhi arrives at Dibrugarh Airport to begin his 2-day campaign trail of Assam.
Assam, we are here to listen to your hopes & fears, concerns & aspirations. pic.twitter.com/tJD3V5nBIM
— Congress (@INCIndia) March 19, 2021
ডিব্ৰুগড়ত উপস্থিত হোৱাৰ পিছতে ৰাহুল গান্ধীয়ে লোহোৱাল মহাবিদ্যালয়ৰ শিক্ষাৰ্থীসকলৰ সৈতে এক মত বিনিমময় অনুষ্ঠানত অংশগ্ৰহণ কৰিছে।
এই মত বিনিময় অনুষ্ঠানৰ পিছতে কংগ্ৰেছৰ তাৰকা নিৰ্বাচনী প্ৰচাৰকগৰাকীয়ে লাহোৱাল সমষ্টিৰ কংগ্ৰেছ প্ৰাৰ্থী মনোজ ধানোৱাৰৰ নিৰ্বাচনী প্ৰচাৰ অনুষ্ঠানত অংশগ্ৰহণ কৰিব।