দলৰ সিদ্ধান্ত অনুসৰিয়েই কংগ্ৰেছৰ সুখবিন্দৰ সিং সুখুৱে হিমাচল প্ৰদেশৰ মুখ্যমন্ত্ৰী হিচাপে শপত গ্ৰহণ কৰিলে। তেওঁ ৰাজ্যখনৰ ১৫ তম মুখ্যমন্ত্ৰী হিচাপে শপত গ্ৰহণ কৰে। মুকেশ অগ্নিহোত্ৰীয়ে উপ মুখ্যমন্ত্ৰী হিচাপে শপত লয়। ৫৮ বছৰীয়া সুখুক দেওবাৰে হিমাচল প্ৰদেশৰ ৰাজ্যপাল ৰাজেন্দ্ৰ বিশ্বনাথ আৰ্লেকাৰে শপত গ্ৰহণ কৰোৱায়। হিমাচল প্ৰদেশৰ ৰাজধানী চিমলাৰ ঐতিহাসিক ৰিজ গ্ৰাউণ্ডত মুকলি আকাশৰ তলত অনুষ্ঠিত হয় শপত গ্ৰহণ অনুষ্ঠান।
পূৰ্বতে সুখুৱে হিমাচল প্ৰদেশ কংগ্ৰেছৰ সভাপতি হিচাপে কাৰ্যনিৰ্বাহ কৰিছিল। তেওঁ দেওবাৰে দুপৰীয়া প্ৰায় ১.৩০ বজাত কাৰ্যালয়ৰ শপত গ্ৰহণ কৰে। দুদিন আগতে, কংগ্ৰেছে পাহাৰীয়া ৰাজ্যখনত বিজেপিৰ পৰা ক্ষমতা দখল কৰিছিল। বিজেপি সভাপতি জগত প্ৰকাশ নাড্ডাৰ ৰাজ্যত গেৰুৱা শিবিৰক কঁকাল পোনাবই নিদিলে কংগ্ৰেছে।
লগতে পঢ়ক: ‘তৃতীয় ফ্ৰণ্ট নহয়, বিজেপিক পৰাস্ত কৰিবলৈ লাগে কেৱল এটাই ফ্ৰণ্ট’: নীতিশ কুমাৰ
হিমাচল প্ৰদেশৰ ৬৮ জনীয়া বিধানসভাত কংগ্ৰেছে ৪০ খন আসন লাভ কৰিছে। সুখু এই নিৰ্বাচনত দলৰ নিৰ্বাচনী সমিতিৰ মুৰব্বী আছিল। অৱশ্যে, মহাৰাষ্ট্ৰকে ধৰি আন কেইবাখনো ৰাজ্যত বিজেপিয়ে বিৰোধী বিধায়কসকলৰ সৈতে ক্ষমতা দখল কৰিছে। কংগ্ৰেছ নেতৃত্ব আৰম্ভণিৰ পৰাই সতৰ্ক আছিল যাতে হিমাচল প্ৰদেশত এনে ঘটনা নহয়।
আনকি নিৰ্বাচনৰ পূৰ্বে সুখুৰ অনুগামীসকলে মুখ্যমন্ত্ৰী পদৰ প্ৰাৰ্থী হিচাপে তেওঁৰ নাম তুলি ধৰাৰ চেষ্টা কৰিছিল। কিন্তু মুখ্যমন্ত্ৰিত্বৰ দৌৰত বিৰোধী নেতা মুকেশ অগ্নিহোত্ৰী আৰু হিমাচল প্ৰদেশ কংগ্ৰেছৰ সভানেত্ৰী প্ৰতিভা সিঙকে ধৰি কেইবাজনো নেতাৰ নাম মুখ্যমন্ত্ৰী পদৰ বাবে উত্থাপিত হৈছিল।
লগতে পঢ়ক: দেশে দেশে মৃত্যুৰ কিৰিলি! জাম্বিয়াত ৰাস্তাৰ কাষৰ পৰা উদ্ধাৰ ২৭ টা মৃতদেহ
শনিবাৰে দলৰ বৈঠকত কংগ্ৰেছ নেতৃত্ব আৰম্ভণিৰ পৰাই সতৰ্ক আছিল যাতে বিবাদ বৃদ্ধি নহয়। কংগ্ৰেছ বিধায়িনী দলৰ বৈঠকত মুখ্যমন্ত্ৰী পদৰ বাবে সুখুৰ নাম গ্ৰহণ কৰা হৈছিল। প্ৰাক্তন বিৰোধী দলপতি মুকেশ অগ্নিহোত্ৰীৰ নামো উপ মুখ্যমন্ত্ৰী হিচাপে গ্ৰহণ কৰা হৈছিল। হিমাচল প্ৰদেশৰ দায়িত্বত থকা ৰাজীৱ শুক্লা কংগ্ৰেছ হাইকমাণ্ডৰ হৈ বৈঠকত উপস্থিত আছিল।
হিমাচল প্ৰদেশৰ নতুন মুখ্যমন্ত্ৰী ছাত্ৰ ৰাজনীতিৰ পৰা মুখ্য ৰাজনীতিলৈ আহিছে। সুখবিন্দৰ সিং সুখু এজন আইন স্নাতক, দলীয় কৰ্মীসকলৰ মাজত এক জনপ্ৰিয় নাম। সেই কথা মনত ৰাখি কংগ্ৰেছ নেতৃত্বই তেওঁক মুখ্যমন্ত্ৰী পদৰ বাবে বাছনি কৰিছে।
লগতে পঢ়ক: ইতিহাস গঢ়া মৰক্কোৰ জয়ৰ পিছত ভাইৰেল হৈ পৰিছে ছাকিৰাৰ টুইট-‘দিছ টাইম ফৰ আফ্ৰিকা’
দেওবাৰে শপত গ্ৰহণ অনুষ্ঠানত কংগ্ৰেছ সভাপতি মল্লিকাৰ্জুন খাৰ্গে, দলৰ জ্যেষ্ঠ নেতা ৰাহুল গান্ধী, প্ৰিয়ংকা গান্ধী ভাদ্ৰা, ছত্তীশগড়ৰ মুখ্যমন্ত্ৰী ভূপেশ বাঘেল, ৰাজস্থানৰ মুখ্যমন্ত্ৰী অশোক গেহলট, প্ৰাক্তন কেন্দ্ৰীয় মন্ত্ৰী আনন্দ শৰ্মা, হাৰিয়ানাৰ প্ৰাক্তন মুখ্যমন্ত্ৰী ভূপিন্দৰ সিং হুডা আৰু অন্যান্য নেতা উপস্থিত থাকে। শপত লোৱাৰ পিছত সুখুৱে এখন সৎ আৰু স্বচ্ছ চৰকাৰ চলোৱাৰ প্ৰতিশ্ৰুতি দিছে।
