কৰ’না ভাইৰাছৰ সংক্ৰমণ ৰোধৰ বাবে ঘোষণা কৰা লকডাউনৰ ফলত দীৰ্ঘদিন ধৰি শ্ৰমিকসকল বিভিন্ন স্থানত আৱদ্ধ হৈ আছিল।
এতিয়া প্ৰায় এমাহৰ পাছত তেওঁলোকে ঘৰলৈ ওভতাৰ অনুমতি পাইছে যদিও কেন্দ্ৰীয় চৰকাৰে ৰেইল ভাডা শ্ৰমিকসকলৰ পৰা আদায় কৰাৰ সিদ্ধান্ত লৈছে।
এই বিষয়কটোকলৈ ৰাজনৈতিক মহলত প্ৰতিক্ৰিয়া আৰম্ভ হোৱাৰ মাজতে আজি কংগ্ৰেছ অধ্যক্ষা ছোনিয়া গান্ধীয়ে ঘোষণা কৰে যে কংগ্ৰছ দলে সকলো অভাৱগ্ৰস্ত শ্ৰমিকৰ ৰেইল টিকটৰ খৰচ বহন কৰিব।
কংগ্ৰেছ অধ্যক্ষা ছোনিয়া গান্ধীয়ে সিদ্ধান্ত গ্ৰহণ কৰিছে যে প্ৰদেশ কংগ্ৰেছ কমিটিসমূহে প্ৰতিজন ঘৰলৈ ওভতা শ্ৰমিকৰ ৰেইল যাত্ৰাৰ টিকটৰ খৰচ বহন কৰাৰ বাবে শীঘ্ৰে ব্যৱস্থা গ্ৰহণ কৰিব।
कांग्रेस अध्यक्षा, श्रीमती सोनिया गांधी का बयान
भारतीय राष्ट्रीय कांग्रेस ने यह निर्णय लिया है कि प्रदेश कांग्रेस कमेटी की हर इकाई हर जरूरतमंद श्रमिक व कामगार के घर लौटने की रेल यात्रा का टिकट खर्च वहन करेगी व इस बारे जरूरी कदम उठाएगी। pic.twitter.com/DWo3VZtns0
— Congress (@INCIndia) May 4, 2020
সোমবাৰে জাৰি কৰা এক বিজ্ঞপ্তিত কোৱা হৈছে যে মাত্ৰ চাৰি ঘন্টাৰ জাননীত লকডাউন আৰম্ভ হোৱাৰ বাবে দেশৰ শ্ৰমিকসকল ঘৰলৈ ঘুৰি যাব নোৱাৰিলে। ১৯৪৭চনৰ পাছত প্ৰথমবাৰৰ বাবে দেশত এনে পৰিস্থিতি দেখা গৈছে য’ত লক্ষাধিক শ্ৰমিকে হাজাৰ কিলোমিটাৰ দূৰত্ব খোজকাঢ়ি ঘৰলৈ উভতিছে।
ছোনিয়া গান্ধীয়ে বিজ্ঞপ্তিটোত কয় যে য’ত আমি বিদেশত আৱদ্ধ হৈ থকা লোকসকলক বিনা খৰচতে ঘুৰাই আনিব পাৰো, গুজৰাটত এক কাৰ্যসূচীত চৰকাৰী ধনৰ ১০০কোটি টকা খৰচ কৰিব পাৰো, যদি ৰেইল মন্ত্ৰ্যালয়ে প্ৰধান মন্ত্ৰীৰ সাহায্য পুঁজিলৈ ১৫১ কোটি টকা দিব পাৰে, তেতিয়াহ’লে কঠিন সময়ত শ্ৰমিকসকলৰ এই ভাড়া কিয় বহন কৰিব নোৱাৰে?
উল্লেখ্য যে যোৱা ২৪ মাৰ্চত আৰম্ভ হোৱা লকডাউনৰ সময়ত লক্ষাধিক শ্ৰমিক য’ত আছিল তাতেই আৱদ্ধ হৈ পৰে। ইয়াৰ পাছত প্ৰায় ৪০ দিনৰ অন্তত তেওঁলোকে ঘৰলৈ যোৱাৰ বাবে অনুমতি লাভ কৰিছে। ৰাজ্য চৰকাৰসমূহৰ অনুৰোধত কেন্দ্ৰীয় চৰকাৰে ইয়াৰ বাবে বিশেষ ৰেইল অনুমোদন দিয়ে।
কিন্তু শ্ৰমিকসকলৰ টিকটৰ ভাড়া ৰাজ্য চৰকাৰে বহন কৰিব আৰু সেয়া শ্ৰমিকসকলৰ পৰাই আদায় কৰা হ’ব। ৰেইল মন্ত্ৰ্যালয়ৰ এনে সিদ্ধান্তকলৈ তীব্ৰ প্ৰতিক্ৰিয়াৰ সৃষ্টি হোৱাৰ মাজতে কংগ্ৰেছ অধ্যক্ষা ছোনিয়া গান্ধীৰ আজিৰ ঘোষণাই স্বাভাৱিকতেই বিশেষ গুৰুত্ব লাভ কৰিছে।
