সমগ্ৰ বিশ্বৰ লগতে ভাৰতত ক’ৰ’না ভাইৰাছে সংহাৰীৰূপ ধাৰণ কৰাৰ পৰিপ্ৰেক্ষিতত ভাৰতত এই ভাইৰাছক প্ৰতিৰোধ কৰিবলৈ ইতিমধ্যে সমগ্ৰ দেশতে ল’কডাউন ঘোষণা কৰা হৈছে।
কেন্দ্ৰীয় চৰকাৰৰ আহ্বানত ৰাজ্য চৰকাৰসমূহে দেশৰ ৭৫ খন জিলাত ইতিমধ্যে ক’ৰ’না ভাইৰাছ সংক্ৰমণ প্ৰতিৰোধৰ বাবে ল’কডাউন ঘোষণা কৰিছে।
ল’কডাউন ঘোষণা কৰাৰ পিছত জৰুৰী সেৱাৰ লোকসকলৰ বাহিৰে আন কোনো লোকে ঘৰৰ বাহিৰলৈ ওলাব নোৱাৰিব।
তেনে অৱস্থাত আপোনাৰ হাতত নগদ ধন নাথাকিলে কি কৰিব? আপোনাৰ এই সমস্যা সমাধান কৰিবৰ বাবে বিশেষ ব্যৱস্থা গ্ৰহণ কৰিছে ICICI, HDFC, SBI আদিৰ দৰে বিত্তীয় প্ৰতিষ্ঠানে।
ICICI, HDFC, SBI, কটক মাহিন্দ্ৰ, এক্সিছ আদি বেংকসমূহে তেওঁলোকৰ গ্ৰাহকসকলক দুৱাৰমুখত নগদ ধন দিয়াৰ ব্যৱস্থা কৰিছে।
দেশৰ বৃহত্তম বেংক SBI এ জ্যেষ্ঠ নাগৰিকৰ লগতে বিশেষভাৱে সক্ষম লোকৰ বাবে এই সুবিধা আগবঢ়াইছে। এই সুবিধাৰ দ্বাৰা তেওঁলোকে বেংকত ধন জমাও কৰিব পাৰিব। কিন্তু চিকিৎসাজনিত কাৰকৰ বাবে বেংকটোৱে ১০০ টকাৰ বিনিময়ত সকলো শ্ৰেণী গ্ৰাহককে ঘৰত নগদ ধন দিয়াৰ ব্যৱস্থা কৰিছে।
ICICI বেংকেও এই সুবিধা আগবঢ়াইছে তেওঁলোকৰ গ্ৰাহকসকলৰ বাবে। এই সুবিধা অনুসৰি গ্ৰাহকসকলে গ্ৰাহক সেৱাৰ জৰিয়তে যোগাযোগ কৰি নগদ ধন লাভ কৰিব পাৰিব। পুৱা ৯ বজাৰ পৰা দিনৰ ২ বজাৰ ভিতৰত গ্ৰাহকসকলৰ ঘৰত নগদ ধন দিয়াৰ ব্যৱস্থা কৰা হৈছে।
এই সুবিধাৰ যোগে গ্ৰাহকে ২ হাজাৰ টকাৰ পৰা ২ লাখ টকা লাভ কৰিব পাৰিব। অৱেশ্য ইয়াৰ বাবে ৫০ টকাৰ পৰা নগদ ধনৰ মুঠ পৰিমাণৰ ১৮ শতাংশ ধন ভৰিব পাৰিব।
আনহাতে HDFC বেংকে তেওঁলোকৰ গ্ৰাহকসকলক ১০০ টকাৰ ২০০ টকাৰ বিনিময়ত ৫ হাজাৰ টকাৰ পৰা ২৫ টকা নগদ ধন গ্ৰাহকৰ ঘৰত যোগান ধৰিব।
এক্সিছ আৰু কটক মাহিন্দ্ৰ বেংকেও তেওঁলোকৰ গ্ৰাহকসকলৰ বাবে এই সুবিধা আগবঢ়াইছে।
কিছুমান ঋণ প্ৰদানকাৰী বিত্তীয় প্ৰতিষ্ঠানেও গ্ৰাহকক ঋণৰ কিস্তি জমাৰ এনে ব্যৱস্থা কৰিছে।
